Prabhas : నాగ్ అశ్విన్ తర్వాత ప్రభాస్ గామిని మెచ్చుకున్నాడు.

Prabhas Praised Gaami

Prabhas Praised Gaami : మంచి కంటెంట్ ఉన్న సినిమాలను ప్రేక్షకులు ఎప్పుడూ అక్కున చేర్చుకుంటారని ప్రతీ ఒక్కరూ ఒప్పుకొని తీరాల్సిందే. అయితే ఆ సినిమాలకు సాధారణ వ్యక్తుల నుంచే కాకుండా సెలబ్రెటీల నుంచి కూడా ప్రశంసలు వస్తుంటాయి. అలాంటిదే గామికి వచ్చిన ప్రశంసలు. ఈ మూవీ టీజర్ ఇటీవల రిలీజ్ చేసింది యూనిట్.

దీన్ని చూసిన చాలా మంది సెలబ్రెటీలు భిన్నంగా స్పందిస్తున్నారు. టీజరే ఇలా ఉంటే.. సినిమా ఇంక ఎలా ఉంటుందో? అంటూ క్యూరియాసిటీ వ్యక్తం చేస్తున్నారు. దీనికి నాగ్ అశ్విన్ ప్రశంస దక్కించుకున్న అనతి కాలంలోనే రెబల్ స్టార్ ప్రభాస్ ప్రశంస కూడా దక్కింది.

మంచి కంటెంట్ ఉన్న సినిమాలకు అన్ని వైపుల నుంచి సపోర్ట్ లభిస్తుంది. చిన్న సినిమాలకు సెలబ్రిటీల నుంచి పెద్ద సపోర్ట్ లభించిన సందర్భాలు చాలానే ఉన్నాయి. విశ్వక్ సేన్ కథానాయకుడిగా విద్యాధర్ కగితా దర్శకత్వంలో తెరకెక్కిన చిత్రం ‘గామి’. నాగ్ అశ్విన్ తర్వాత రెబల్ స్టార్ ప్రభాస్ నుంచి ప్రశంసలు అందుకుంటున్న చిత్రమిది.

సినిమాలోని ప్రధాన పాత్రలను పరిచయం చేయడానికి ఉద్దేశించిన గామి టీజర్ అందరినీ ఆకట్టుకుంది. అద్భుతమైన రెస్పాన్స్ తో ఈ టీజర్ ఇప్పటికీ యూట్యూబ్ లో టాప్ ట్రెండింగ్ లో ఉంది. ట్రైలర్ చూడటానికి తాను వేచి ఉండలేనని ప్రభాస్ పేర్కొన్నారు.

‘ఎక్స్ ట్రార్డినరీ టీజర్! ట్రైలర్ కోసం వెయిట్ చేయలేను. #Gaami’ అని ప్రభాస్ తన ఇన్ స్టా స్టోరీలో పేర్కొన్నారు. ఈ సినిమా ట్రైలర్ ను ఈ నెల 29న విడుదల చేయనున్నారు. మార్చి 8న గామి విడుదల కానున్న సంగతి తెలిసిందే.