Eagle Review : ‘ఈగల్’ మూవీ మొట్టమొదటి రివ్యూ..క్లైమాక్స్ రవితేజ కెరీర్ లోనే ‘ది బెస్ట్’

Eagle Review : మాస్ మహారాజ రవితేజ హీరో గా నటించిన లేటెస్ట్ చిత్రం ‘ఈగల్’ మరో మూడు రోజుల్లో మన ముందుకు రాబోతున్న సంగతి తెలిసిందే. ఈ చిత్రానికి సంబంధించిన టీజర్, ట్రైలర్ అన్నీ కూడా ప్రేక్షకులను ఎంతగానో ఆకట్టుకున్నాయి. జనవరి 13 వ తారీఖున విడుదల అవ్వాల్సిన ఈ సినిమా థియేటర్స్ సమస్య తలెత్తడం తో ఫిబ్రవరి 9 వ తేదికి వాయిదా పడింది. వరుస హిట్స్ తర్వాత రవితేజ గత రెండు చిత్రాలు బాక్స్ ఆఫీస్ వద్ద ఘోరమైన డిజాస్టర్ ఫ్లాప్స్ గా మిగిలాయి.

నిర్మాతగా కూడా ఆయన చాలా నష్టపోయాడు. ఇలాంటి సమయం లో అభిమానులు ఆయన నుండి భారీ బ్లాక్ బస్టర్ హిట్ ని ఆశిస్తున్నారు. ఈగల్ చిత్రం రవితేజ కెరీర్ లో ది బెస్ట్ గా నిలుస్తుందని వాళ్ళు ఎప్పటి నుండో బలమైన నమ్మకం తో ఉన్నారు. దానికి తగ్గట్టుగానే ఈ సినిమాకి సంబంధించిన ప్రీమియర్ షో నుండి అద్భుతమైన రెస్పాన్స్ వచ్చింది.

నిన్ననే ఈ సినిమాకి సంబంధించిన మొదటి కాపీ ని రవితేజ మూవీ టీం మరియు కొంతమంది ముఖ్యమైన సినీ ప్రముఖుల మధ్య కూర్చొని చూసాడు. ఈ సినిమా ఫైనల్ ఔట్పుట్ చూసిన తర్వాత ఆయన ఎంతో సంతృప్తి చెందాడు. దానికి సంబంధించిన వీడియో కూడా సోషల్ మీడియా లో బాగా వైరల్ అయ్యింది. ఇలాంటి సినిమా కోసం ఇన్ని రోజులు ఎదురు చూస్తున్నాను అంటూ డైరెక్టర్ కార్తీక్ ఘట్టమనేని ని గట్టిగ కౌగలించుకున్నాడు.

సినిమా ప్రారంభం మొత్తం ఇన్వెస్టిగేషన్ చేస్తున్నట్టుగా ఉంటుందని, సెకండ్ హాఫ్ లో చివరి 45 నిమిషాలు అద్భుతంగా వచ్చిందని, ఆడియన్స్ కూడా అదే రేంజ్ ఫీలింగ్ ని పొందుతారు అని ఒక టాక్ బలంగా నడుస్తుంది. ఈ ఏడాది విడుదలైన సినిమాలలో హనుమాన్ తప్ప ఒక్క చిత్రం కూడా ఆడియన్స్ ని అలరించలేకపోయింది. ఇలాంటి కరువు సమయం లో వస్తున్న ఈగల్ కి పాజిటివ్ టాక్ వస్తే ఆకాశమే హద్దు అంటూ సోషల్ మీడియా లో రవితేజ ఫ్యాన్స్ పోస్టులు పెడుతున్నారు.