50 Lakh Car Just Rs.100 : రూ. 50 లక్షల కారు.. రూ. 100 కే అదృష్టం అంటే ఆమెదే మరి!

50 Lakh Car Just Rs.100

50 lakh car just Rs.100 Luck Her : ‘నసీబ్’ ఉంటే భిచ్చగాడు కూడా రాజవుతాడు.. అదే ‘నసీబ్’ మారితే రాజు కూడా భిచ్చగాడిగా మారాల్సిందే. ఓనమ్ లక్కీ లాటరీ గురించి మనం ఇది వరకే చూశాం. తక్కువ మొత్తంలో చెల్లించి లాటరీ టికెట్ కొంటే చాలు నసీబ్ బాగుంటే కోట్ల రూపాయలు సొంతం అవుతాయి. గతంలో ఒక ఆటో డ్రైవర్ కు ఓనమ్ లాటరీ తగిలింది. రాత్రి రాత్రి రూ. 30 కోట్లకు అధినేత అయ్యాడు. అంత పెద్దది కాకున్నా ఒక యువతికి రూ. 50 లక్షల కారు కేవలం రూ. 100కే దక్కింది. దాని గురించి తెలుసుకుందాం.

అసోం రాష్ట్రంలోని బార్‌పేటకు చెందిన 17 సంవత్సరాల యువతి దిశా దాస్. ప్రస్తుతం ఆమె ఇంటర్ చదువుతోంది. కేవలం రూ. 100కే మెర్సిడేజ్ బెంజ్ కారును గెలుచుకోవడం దేశ వ్యాప్తంగా వైరల్ గా మారింది. ఈ చిన్నారి తల్లిదండ్రులకు ఒక్కగానొక్క కూతురు.

ఫిబ్రవరి, 2024లో బార్పెట్ బుక్ అండ్ సైన్స్ ఫెయిర్ జరగనుంది. దీనికి విస్తృతంగా ప్రచారం కల్పించాలనే ఉద్దేశ్యంతో నిర్వాహకులు లక్కీ డ్రా ఏర్పాటు చేశారు. ఇందులో మొదటి బహుమతి మెర్సిడేజ్ బెంజ్ కారు. ఈ లగ్జరీ కారు ఎవరికి దక్కుతుందోనని అంతా ఆతృతగా ఎదురు చూశారు. తమకే దక్కాలంటూ కలలు కన్నారు.

దిశా దాస్ కూడా తన సేవింగ్స్ నుంచి రూ. 100 తో రెండు కూపన్లను కొనుగోలు చేసింది. ఈ రెండు కూపన్లలో ఒక కూపన్ తనను అదృష్ట వంతురాలిగా మారుస్తుందని ఆమె కనీసం ఊహించనూ లేదు. కానీ తీరా ఫలితాలు అనౌన్స్ కావడంతో ఆమె షాక్ కు గురైంది. రూ. 50 లక్షల విలువైన కొత్త మెర్సిడెజ్ బెంజ్ కారు ఆమె సొంతమైంది. దీంతో ఆ ప్రాంతంలోని అందరూ ఆమెను లక్కీ గర్ల్ అంటూ పిలుస్తున్నారు.