Animal Movie : ‘ఎనిమల్’ లాంటి దరిద్రమైన సినిమాలో నేను నటించను : తాప్సీ

Animal Movie Comments Tapsee

Animal Movie : గత ఏడాది డిసెంబర్ నెలలో గ్రాండ్ గా భారీ అంచనాల నడుమ విడుదలైన ‘ఎనిమల్’ చిత్రం బాక్స్ ఆఫీస్ వద్ద ఏ రేంజ్ వసూళ్లను రాబట్టిందో మన అందరికీ తెలిసిందే. యూత్ ఆడియన్స్ ఈ సినిమాకి థియేటర్స్ వైపు ఒక దండయాత్ర లాగా చేసారు. తెలుగు వెర్షన్ లో కూడా ఈ సినిమాకి సుమారుగా 80 కోట్ల రూపాయలకు పైగా గ్రాస్ వచ్చాయి. ఓవరాల్ గా ప్రపంచవ్యాప్తంగా అన్నీ భాషలకు, అన్నీ ప్రాంతాలకు కలిపి ఈ సినిమాకి 900 కోట్ల రూపాయిల గ్రాస్ వసూళ్లు వచ్చాయి.

ఇది చిన్న విషయం కాదు. మధ్యలో ప్రభాస్ ‘సలార్’  షారుఖ్ ఖాన్ ‘డుంకీ’ చిత్రాలు విడుదల అవ్వడం వల్ల ఈ సినిమా వెయ్యి కోట్ల రూపాయిల మార్కుని అందుకోలేదు కానీ, లేకుంటే ఈ సినిమా కేజీఎఫ్ సిరీస్ ని కూడా దాటేసి ఉండేదని అంటుంటారు ట్రేడ్ పండితులు. అయితే ఈ చిత్రాన్ని యూత్ ఆడియన్స్ ఎంతలా ఆదరించారో, ఫ్యామిలీ ఆడియన్స్ అంతలా ఛీ కొట్టారు.

అందుకు కారణం ఈ సినిమాలో ఉన్న బోల్డ్ సన్నివేశాలే అని చెప్పొచ్చు. ముఖ్యంగా సెకండ్ హాఫ్ లో డైరెక్టర్ సందీప్ వంగ కి ఉన్న పైత్యం ఎలాంటిదో అర్థం అవుతుంది. అనవసరమైన సన్నివేశాలన్నీ పెట్టాడు. ఎడిటింగ్ లో 45 నిమిషాల సినిమాని తొలగించవచ్చు. అలాంటి బోల్డ్ కంటెంట్ కి స్పేస్ ఇచ్చాడు ఆయన. అందుకే లేడీస్ మరియు ఫ్యామిలీ ఆడియన్స్ ఈ సినిమాని నచ్చలేదు. మామూలు ఆడియన్స్ నచ్చకపోయినా ఒక అర్థం ఉంది కానీ, సెలబ్రిటీస్ కూడా ఈ సినిమాని తిడుతున్నారు అంటే వాళ్లకి ఏ రేంజ్ లో కాలిందో అర్థం చేసుకోవచ్చు. ఇకపోతే ఈ సినిమాని నచ్చని సెలబ్రిటీస్ జాబితాలో తాప్సి కూడా చేరిపోయింది ఇప్పుడు.

మనసులో ఉన్న మాటని నిక్కచ్చిగా సూటిగా చెప్పే అలవాటు ఉన్న తాప్సి, రీసెంట్ గా ఈ సినిమా గురించి చేసిన కొన్ని కామెంట్స్ సోషల్ మీడియా లో వైరల్ గా మారింది. మీకు ‘ఎనిమల్’ లాంటి బోల్డ్ సినిమాల్లో నటించే అవకాశం వస్తే ఒప్పుకొని చేస్తారా అని తాప్సి ని అడగగా, ఆమె దానికి మొహమాటం లేకుండా ‘డబ్బులు వస్తున్నాయి, ఫేమ్ వస్తుంది కదా అని ప్రతీ నీచమైన పాత్రని ఒప్పుకోలేను, అలాంటి సినిమాలు నేను చెయ్యను’ అంటూ చెప్పుకొచ్చింది తాప్సి. ప్రస్తుతం ఆమె చేసిన కామెంట్స్ ఇప్పుడు సోషల్ మీడియా లో వైరల్ గా మారింది.