Akhanda 2 : ‘అఖండ 2’ లో విలన్ స్టార్ హీరో..ఫ్యాన్స్ రియాక్షన్ ఎలా ఉంటుందో!

that star hero is Villain in Akhanda 2

Akhanda 2 : నందమూరి బాలకృష్ణ ఎప్పుడు హిట్ కొట్టినా ఇండస్ట్రీ రీ సౌండ్ వచ్చేలా కొడుతాడు, రికార్డ్స్ మొత్తం బద్దలు అవుతాయి, ఆయన రేంజ్ వేరు అని ట్రేడ్ పండితులు అంటూ ఉంటారు. కానీ ‘లెజెండ్’ చిత్రం తర్వాత బాలయ్య కెరీర్ లో ఒక్క హిట్ కూడా లేదు. కనీసం యావరేజి రేంజ్ కూడా ఆడకపోగా, కమర్షియల్ గా ఘోరమైన డిజాస్టర్ ఫ్లాప్స్ గా నిలిచాయి.

అలా వరుసగా ఫ్లాప్స్ కొడుతూ కెరీర్ ఎండింగ్ స్టేజి లోకి వచ్చినప్పుడు ఆయన బోయపాటి శ్రీను తో ‘అఖండ’ అనే చిత్రం చేసాడు. భారీ అంచనాల నడుమ విడుదలైన ఈ సినిమా మొదటి ఆట నుండే సూపర్ హిట్ టాక్ ని సొంతం చేసుకొని బాక్స్ ఆఫీస్ వద్ద కాసుల కనకవర్షం కురిపించింది. ఈ సినిమా విడుదల సమయం లో ఆంధ్ర ప్రదేశ్ లో టికెట్ రేట్స్ చాలా తక్కువగా ఉన్నాయి. అయినా కూడా కమర్షియల్ గా బాలయ్య తన సత్తా చూపించాడు.

అతి తక్కువ టికెట్ రేట్స్ తోనే ఈ సినిమా బాక్స్ ఆఫీస్ వద్ద 70 కోట్ల రూపాయలకు పైగా షేర్ వసూళ్లను సాధించింది. ఇది సాధారణమైన విషయం కాదు. టికెట్ రేట్స్ మాములుగా ఉండుంటే ఈ చిత్రానికి కచ్చితంగా 100 కోట్ల రూపాయిల షేర్ వసూళ్లు వచ్చి ఉండేవని ట్రేడ్ పండితుల అంచనా. కానీ ఈ సినిమా తర్వాత బాలయ్య పీక్ టైం మొదలైంది. ఈ చిత్రం తర్వాత ఆయన నుండి విడుదలైన ప్రతీ సినిమా బ్లాక్ బస్టర్ హిట్ గా నిల్చింది. కెరీర్ లో ఆయన ఇలా వరుసగా హిట్స్ కొట్టడం అనేది చాలా అరుదుగా జరిగేవి. ఎప్పుడో అమావాస్యకో, పౌర్ణమికో ఒక హిట్ కొడుతాడు, మధ్యలో మొత్తం ఫ్లాప్స్ ఉంటాయని బాలయ్య ని అప్పట్లో వెక్కిరించేవారు.

కానీ వాళ్ళే ఇప్పుడు బాలయ్య బాబు స్క్రిప్ట్ సెలక్షన్ కి సెల్యూట్ చేస్తున్నారు. ఇకపోతే త్వరలోనే ‘అఖండ 2 ‘ చిత్రం మొదలు కాబోతుంది. ఈ సినిమాకి సంబంధించిన స్క్రిప్ట్ వర్క్ మొత్తం పూర్తి అయ్యింది. ఇందులో బాలయ్య క్యారక్టర్ మొదటి భాగం లో కంటే పవర్ ఫుల్ గా చూపించబోతున్నాడట డైరెక్టర్ బోయపాటి శ్రీను. ఈ సినిమాలో విలన్ పాత్ర కోసం బాలీవుడ్ స్టార్ హీరో సంజయ్ దత్ ని తీసుకున్నారట. అడిగిన వెంటనే సంజయ్ దత్ ఈ సినిమా చెయ్యడానికి ఒప్పుకున్నట్టు సమాచారం.