Lavanya : నార్సంగి డ్రగ్స్ కేసులో బయటపడ్డ సంచలన నిజాలు..లావణ్య మొబైల్ ఫోన్ లో ఉన్న సినీ సెలెబ్రిటీలు వీళ్ళే!
Lavanya : హైదరాబాద్ లో నార్సంగి డ్రగ్స్ కేసు ఎలాంటి కలకలం సృష్టించిందో మన అందరికీ తెలిసిందే. లావణ్య అనే మ్యుజీషియన్ డ్రగ్స్ ని విక్రయించడానికి బయటకి వెళ్తున్న సమయం లో పోలీసులు ఆమెని అదుపులోకి తీసుకొని ఎన్నో విషయాలను బయటకి లాగారు. విజయవాడ కి చెందిన లావణ్య అనే అమ్మాయి, పై చదువుల కోసం అని ఇంట్లో చెప్పి హైదరాబాద్ కి వచ్చింది.
కోకాపేట లో ఒక అపార్ట్మెంట్స్ లో నివాసం ఉంటున్న లావణ్య మ్యూజిక్ టీచర్ గా కొనసాగుతూ వచ్చింది. అలా మ్యూజిక్ నేర్చుకుంటూ సినిమాల్లో అవకాశాల కోసం స్టూడియోల చుట్టూ తిరిగేది. సినిమాల ప్రపంచానికి అలవాటు పడిన లావణ్య జల్సా తిరుగుళ్లకు బానిస అయ్యింది. పార్టీలు, పబ్బులకు తరచు వెళ్తూ ఉండేది. అలా ఆమెకి టాలీవుడ్ లో ఒక యంగ్ హీరో పరిచయం అయ్యాడు. వీళ్లిద్దరి మధ్య ఆ పరిచయం కాస్త స్నేహం గా మారి తర్వాత ప్రేమకి దారి తీసింది.
అయితే ఈమెకి ఉనిత్ రెడ్డి, ఇందిరా అనే ఇద్దరు వ్యక్తుల వల్ల డ్రగ్స్ అలవాటు అయ్యింది.డ్రగ్స్ అలవాటు చేసుకోవడమే కాకుండా హైదరాబాద్ లో ఒక గ్రాము డ్రగ్ ని ఆరు వేల రూపాయలకు అమ్ముకుంటూ దందా ప్రారంభించింది. గతం లో వరలక్ష్మి టిఫిన్ సెంటర్ అధినేత డ్రగ్స్ కేసు లో అరెస్ట్ అయిన సంగతి తెలిసిందే. ఇతనితో కూడా లావణ్యకి అనేక లావాదేవీలు జరిగాయట. కానీ అప్పుడు ఈమె ఎలాంటి ఆధారం లేకుండా చాలా తెలివిగా తప్పించుకుంది కానీ, పోలీసులు మాత్రం అప్పటి నుండి ఈమె మీద అనుమానం తో నిఘా వేశారు. ఆదివారం సాయంత్రం ఆమె డ్రగ్స్ ని అమ్మెందుకు బయటకి వెళ్తుంది అనే సమాచారం ని తెలుసుకున్న పోలీసులు ఆమె ఆర్టీసీ బస్సు ఎక్కి వెళ్తుండగా పట్టుకొని అదుపులోకి తీసుకున్నారు.
అనంతరం ఆమె హ్యాండ్ బ్యాగ్ ని తనిఖీ చెయ్యగా అందులో నాలుగు గ్రాముల ఎండీఎంఏ డ్రగ్స్ లభించాయి. దీంతో ఆమెని రిమాండ్ లోకి తీసుకున్న పోలీసులు, ఆమె ఫోన్ ని తనిఖీ చేసారు. ఆమె ఫోన్ కాంటాక్ట్ లో టాలీవుడ్ లో ఉన్న ప్రముఖ స్టార్ సింగెర్స్ ఫోన్ నంబర్స్ తో పాటుగా, పలువురి హీరోలు, హీరోయిన్ల నంబర్లు కూడా ఉన్నాయి. దీంతో అనుమానించిన పోలీసులు కోర్టు అనుమతి తో లావణ్య ని కస్టడీ లోకి తీసుకొని విచారణ చెయ్యడానికి చూస్తున్నారు. ఈ విచారణ తర్వాత ఎంత మంది ప్రముఖుల పేర్లు బయటకి వస్తాయో చూడాలి.