Best Budget Cars : మీ బడ్జెట్ రూ.7లక్షలా..? మైలేజీతో పాటు అద్భుత ఫీచర్లు ఉన్న కార్లు ఇవే..

Maruti Suzuki Best Budget Cars

Best Budget Cars : మారుతి సుజుకీ బడ్జెట్ సెగ్మెంట్ కార్లలో ఆధిపత్యం చెలాయిస్తోంది. కంపెనీ రూ.5-7లక్షల రేంజ్ లో అనేక ఇంధన సామర్థ్యం, మంచి ఇంజిన్ కార్లను అందిస్తోంది. ప్రాక్టికల్ కార్ల గురించి మాట్లాడినప్పుడల్లా మారుతి వ్యాగన్ ఆర్ పేరే ముందు వస్తుంది. అయితే మారుతికి చెందిన మరో హ్యాచ్ బ్యాక్ సెలెరియో కూడా అదే ధరకు అందుబాటులో ఉంది. మీరు కూడా ఈ బడ్జెట్ లో కారు కొనాలని అనుకుంటే.. వ్యాగన్ ఆర్, సెలెరియోల్లో ఏ కారు ఎక్కువ బెనిఫిట్స్ ఇస్తుందో చూద్దాం..

ఇంజిన్ పరంగా చూస్తే..
మారుతి వ్యాగన్ ఆర్ రెండు ఇంజిన్ ఆప్షన్లలో వస్తుంది. దీని బేస్ మోడల్స్ 1.0 లీటర్ కె-సిరీస్ ఇంజిన్ తో వస్తాయి. అయితే, టాప్ మోడల్స్ 1.2 లీటర్ ఇంజిన్ తో అందించింది. ఈ కారు 1.0 లీటర్ ఇంజిన్ తో అందించింది. ఈ కారు 1.0 లీటర్ ఇంజిన్ లో సీఎన్ జీ ఎంపికతో కూడా అందుబాటులో ఉంది. దీని 1.2 లీటర్ పెట్రోల్ ఇంజిన్ 88.5 బీహెచ్పీ శక్తిని, 113 ఎన్ఎం గరిష్ట టార్క్ ను ఉత్పత్తి చేస్తోంది. రెండు ఇంజినలు 5-స్పీడ్ ఆటోమేటిక్, 5-స్పీడ్ మాన్యువల్ గేర్ బాక్స్ తో అమర్చబడి ఉంటాయి.

సెలెరియో లో 1.0 లీటర్ ఇంజిన్ మాత్రమే ఉంది. ఈ ఇంజిన్ తో సీఎన్ జీ ఎంపిక కూడా ఉంది. పెట్రోల్ లో, ఈ ఇంజిన్ 67 బీహెచ్పీ పవర్, 89 ఎన్ఎం టార్క్ ఉత్పత్తి చేస్తుంది. ఈ ఇంజిన్ తో 5-స్పీడ్ మాన్యువల్, 5-స్పీడ్ ఆటోమేటిక్ గేర్ బాక్స్ ఎంపిక అందుబాటులో ఉంది.

ఫీచర్లు:
మారుతి వ్యాగన్ఆర్ లో 7 అంగుళాల టచ్ స్క్రీన్ డిస్ ప్లే, 4-స్పీకర్ మ్యూజిక్ సిస్టం, స్టీరింగ్-మౌంటెడ్ ఆడియో కంట్రోల్స్, స్మార్ట్ ఫోన్ నావిగేషన్ వంటి ఫీచర్స్ ఉన్నాయి. భద్రత కోసం డ్యూయల్ ఫ్రంట్ ఎయిర్ బ్యాగులు, ఈబీడీతో కూడిన ఏబీఎస్, వెనక పార్కింగ్ సెన్సార్, హిల్-హోల్డ్ అసిస్ట్ వేరియంట్ లో మాత్రమే అందుబాటులో ఉంది.

ఇక సెలెరియోలో 7 అంగుళాల టచ్ స్క్రీన్, పుష్ బటన్ స్టార్ట్/స్టాప్, కీలెస్ ఎంట్రీ, మాన్యువల్ ఏసీ ఉన్నాయి. డ్యూయల్ ఫ్రంట్ ఎయిర్ బ్యాగులు, హిల్-హోల్డ్ అసిస్ట్, ఈబీడీతో కూడిన ఏబీఎస్, వెనక పార్కింగ్ సెన్సార్ ఉన్నాయి.

వ్యాగన్ ఆర్ మైలేజ్:
1-లీటర్ పెట్రోల్ MT : 24.35 km/ltr
1-లీటర్ పెట్రోల్ AMT : 25-19 km/ltr
1-లీటర్ పెట్రోల్ CNG : 34.05 km/kg
1.2-లీటర్ పెట్రోల్ MT:23.56 km/ltr
1.2-లీటర్ పెట్రోల్ AMT :24.43 km

సెలెరియో మైలేజ్:
పెట్రోల్ MT : 25.24 kmpl
పెట్రోల్ AMT :26.68 kmpl
సీఎన్జీ   :34.43

ధరలు:
వ్యాగన్ ధర రూ.5.54 లక్షల నుంచి రూ.7.42లక్షల(ఎక్స్ షోరూమ్ ఢిల్లీ) మధ్య ఉంది. సెలెరియో ధర రూ.5.37లక్షల నుంచి రూ.7.15లక్షల వరకు ఉంది.