Jabardasth : ‘జబర్దస్త్’ లో హద్దులు దాటిన క్యాస్టింగ్ కౌచ్ వ్యవహారం..!

Jabardasth

Jabardasth Comedy Show : ఏ ఇండస్ట్రీ కి వెళ్లిన క్యాస్టింగ్ కౌచ్ సమస్య సర్వసాధారణం అయిపోయింది. దీనిని ఎవ్వరూ అరికట్టలేకపోతున్నారు. కారణం అవకాశాల కోసం క్యాస్టింగ్ కౌచ్ కి ఒప్పుకునే హీరోయిన్లు కూడా ఉన్నారు. కానీ బలవంతం చేస్తున్న కొంతమంది హీరోలు, నిర్మాతలు మరియు డైరెక్టర్ల ఆటలను ఇండస్ట్రీ పెద్దలు సైతం అరికట్టలేకపోతున్నారు. ఇన్ని రోజులు ఈ సమస్య సిల్వర్ స్క్రీన్ కి మాత్రమే పరిమితం అని అందరూ అనుకున్నారు.

కానీ బుల్లితెర మహిళా ఆర్టిస్టులు కూడా ఈ క్యాస్టింగ్ కౌచ్ సమస్యలను ఎదురుకుంటున్నారు. ఉదాహరణకి ఈటీవీ లో సంచలన విజయం సాధించిన జబర్దస్త్ కామెడీ షో ని తీసుకుందాం. ఈ షో ద్వారా ఎంతో మంది టాలెంటెడ్ ఆర్టిస్టులు ఇండస్ట్రీ కి పరిచయమై నేడు ఉన్నత స్థానం లో ఉన్నారు. అయితే వాళ్లకి కెరీర్ పరంగా ఫుల్ బిజీ అయ్యే పరిస్థితి రావడంతో జబర్దస్త్ షో కి పని చెయ్యడం ఆపేసారు. అప్పటి నుండి ఉన్న కొద్దిపాటి కమెడియన్స్ తోనే నెట్టేకొస్తున్నారు యాజమాన్యం.

ఒకప్పుడు ప్రతీ వారం యావరేజిగా 9 కి పైగా రేటింగ్స్ వచ్చేవి, కానీ ఇప్పుడు కనీసం మూడు రేటింగ్స్ రావడం కూడా గగనం అయిపోతుంది. ఎందుకంటే ప్రస్తుతం ఉన్న కమెడియన్స్ స్కిట్స్ జనాలకు అంతగా నచ్చడం లేదు. ఒక్కటంటే ఒక్క స్కిట్ కూడా పేలడం లేదు. ఇదంతా పక్కన పెడితే జబర్దస్త్ లో కూడా క్యాస్టింగ్ కౌచ్ సమస్యలు తార స్థాయిలో ఉన్నాయట. మహిళా కమెడియన్స్ ని సీనియర్ కమెడియన్స్ కొంతమంది ‘సాయంత్రం రూమ్ కి వస్తే నా స్కిట్స్ అన్నిట్లో నీకు అవకాశాలు ఇస్తా’ అని అంటున్నారట. కొంతమంది లేడీ కమెడియన్స్ వీళ్ళ ఆగడాలను తట్టుకోలేక యాజమాన్యం కి వెళ్లి కంప్లైంట్ చేశారట.

కచ్చితంగా చర్యలు తీసుకుంటాం అని యాజమాన్యం హామీ ఇచ్చి, ఆ కమెడియన్స్ ని మందలించే ప్రయత్నం చెయ్యగా, వాళ్ళు ‘మేము అలా ఏమి చెయ్యలేదయ్యా..నీకు ఇష్టం లేకపోతే చెప్పు షో మానేస్తాం’ అని నేరుగా ముఖం మీదనే చెప్పేస్తున్నారట. వీళ్ళు కూడా మానేస్తే జబర్దస్త్ షో ని ఇక మూసుకోవాలని చూసి చూడనట్టు వెళ్ళిపోతున్నారట. నాగబాబు జడ్జి గా ఉన్న సమయం లో ఇలా తోకలు జాడించే సాహసం చేసేశావారు కాదట ఈ సీనియర్ కమెడియన్లు. ఎప్పుడైతే ఆయన ఈ షో మానేశాడో, అప్పటి నుండి వీళ్లది ఇష్టారాజ్యం గా మారిపోయింది.