Venu Swami : ప్రభాస్ కి ఈ జన్మలో ఆ యోగం లేదు అంటూ మరోసారి రెచ్చిపోయిన వేణు స్వామి!
Venu Swami about prabhas
Venu Swami : ప్రభాస్ అంటే ప్రముఖ జ్యోతిష్యుడు వేణు స్వామి కి ఎదో పాత పగ ఉన్నట్టుంది. ఎందుకంటే మొదటి నుండి ప్రభాస్ ని జాతకం పేరుతో వ్యక్తిగతంగా, వృత్తిపరంగా ఆయన చేసే కామెంట్లు చూస్తే ఎవరికైనా అలాగే అనిపిస్తుంది. బాహుబలి సిరీస్ తర్వాత ప్రభాస్ కెరీర్ లో ఇక సూపర్ హిట్ చిత్రం ఉండదు. అతనిపై భారీ బడ్జెట్లు పెట్టే నిర్మాతలు జాగ్రత్త అంటూ గతం లో హెచ్చరికలు జారీ చేసాడు.
ఆ తర్వాత ప్రభాస్ ఆరోగ్యం మీద కూడా సంచలన వ్యాఖ్యలు చేసాడు. అతని ప్రాణాలకు ప్రమాదం ఉందంటూ నోటికి వచ్చినట్టు మాట్లాడాడు. అతనికి ఈ జీవితం లో పెళ్లి యోగం లేదు, ఒకవేళ పెళ్లి చేసుకున్నా కూడా విడిపోతాడు అంటూ కామెంట్లు చేసాడు. ఈయన చేసిన కామెంట్స్ సోషల్ మీడియా లో బాగా వైరల్ అయ్యి, ప్రభాస్ పెద్దమ్మ శ్యామలా దేవి వరకు రీచ్ అయ్యింది.
రీసెంట్ గా జరిగిన ఒక ఇంటర్వ్యూ లో ఆమె దీని గురించి మాట్లాడుతూ ‘ప్రభాస్ జాతక వివరాలు వాళ్ళ అమ్మగారికి తప్ప ఎవరికీ తెలియదు. చివరికి నాకు కూడా ప్రభాస్ జాతక వివరాలు తెలియవు, ఈ వేణు స్వామి అనే అతనికి ఎలా తెలిసిందో..పాపులారిటీ కోసం పిచ్చి పిచ్చి మాటలు మాట్లాడితే జనాలు చూస్తూ ఊరుకోరు’ అంటూ చెప్పుకొచ్చింది. ఈమె మాటలకు వేణు స్వామి స్పందిస్తూ ‘ప్రభాస్ గారి జాతక వివరాలు నాకు ఎలా తెలుసు అనేది ప్రభాస్ అమ్మ గారికి తెలుసు, వేరే వాళ్లకు నేను సమాధానం చెప్పాల్సిన అవసరం లేదు. ప్రభాస్ కెరీర్ లో ఇక హిట్స్ పడవు అన్నాను, నిజం అయ్యిందా లేదా?, రీసెంట్ గా వచ్చిన సలార్ చిత్రం కూడా వంద శాతం రికవరీ అవ్వలేదు.
ఆరోగ్య సమస్యలు ఉంటాయి అని చెప్పాను, గత కొంతకాలం గా ప్రభాస్ ఎలా ఉన్నాడో వాళ్ళకే తెలుసు. పెళ్లి యోగం లేదు అని చెప్పాను, ఇప్పటి వరకు ఆ ఊసే ప్రభాస్ ఎత్తలేదు. ఇప్పటికీ చెప్తున్నాను, ప్రభాస్ కి ఈ జన్మలో లో పెళ్లి యోగం రాసిపెట్టలేదు’ అంటూ వేణు స్వామి కామెంట్స్ చేసాడు. ఈయన మాటలు ప్రస్తుతం సోషల్ మీడియా లో బాగా వైరల్ అయ్యింది.మరి దీనికి ప్రభాస్ ఫ్యాన్స్ రియాక్షన్ ఏ రేంజ్ లో ఉంటుందో చూడాలి.