Rajamouli Movie : రాజమౌళి సినిమా.. మహేశ్ కు ఎన్ని కండీషన్లో..వామ్మో చాలా కష్టం..

Rajamouli’s movie many conditions for Mahesh

Rajamouli Movie : రాజమౌళి సినిమా అంటే మాములుగా ఉండదు. ఆయనతో ఒక్క సినిమా చేసిన చాలు స్టార్ డమ్ వచ్చేసినట్టే. ఇక సూపర్ స్టార్ అయితే పాన్ ఇండియన్ స్టార్ అయినట్టే. ఆయన డైరెక్షన్ లో చేయడానికి ప్రతీ హీరో తహతహలాడుతుంటాడు. కానీ ఆయన ఎప్పుడూ ఎవరికీ చాన్స్ ఇస్తాడో తెలియదు. అది వచ్చినప్పుడే తెలుస్తుంది. ఇప్పుడు మహేశ్ వంతు వచ్చింది. ఈ సినిమా కోసం మహేశ్ ఫ్యాన్స్ కోసం ఎంతగానో ఎదురుచూస్తున్నారు.

అయితే ఈ సినిమా చేయాలంటే మహేశ్ బాబుకు రాజమౌళి ఎన్నో షరతులు విధించాడట. మార్చి నుంచి సినిమా విడుదల వరకూ మహేశ్ నుంచి ఒక్క ఫొటో కూడా బయటకు రాకూడదన్నది ఓ అగ్రిమెంట్. మహేశ్ స్వతహాగా కుటుంబానికి ఎక్కువ సమయం కేటాయిస్తుంటాడు. షెడ్యూల్ మధ్యలో చిన్న బ్రేక్ దొరికినా విదేశాలకు చెక్కేస్తుంటాడు. అలాంటి టూర్లు కూడా ఇక ఉండబోవని తెలుస్తోంది. పైగా మహేశ్ చాలా బ్రాండ్లకు అంబాసిడర్ గా ఉంటున్నాడు. రాజమౌళి సినిమా పూర్తయ్యేంత వరకూ ఆ యాడ్స్ లో కూడా మహేశ్ ఇకపై కనిపించడు. షూటింగ్ అయ్యేంతలోగా.. మహేశ్ లుక్ బయటకు రాకుడదన్నది ఉద్దేశంతోనే రాజమౌళి ఇలాంటి కండీషన్లు  పెట్టాడని తెలుస్తోంది.

అయితే వీటికి మహేశ్ కూడా సిద్ధంగానే ఉన్నాడని సమాచారం. ఈ సినిమాలో మహేశ్ లుక్ పూర్తిగా కొత్త స్థాయిలో ఉండబోతోందని తెలుస్తోంది. కేవలం లుక్ టెస్ట్ కోసమే నెల రోజుల సమయం కేటాయించాల్సి వస్తోందట.  రాజమౌళి ఇప్పటికే కొన్ని స్కెచ్ లు  సిద్ధం చేశాడు. వాటికి అనుగుణంగా మహేశ్ తన లుక్ ను మార్చుకోవాల్సి ఉంటుంది. మార్చిలో మహేశ్ పై రాజమౌళి ఫొటో షూట్ ప్లాన్ చేస్తున్నాడని తెలుస్తోంది. వాటి వివరాలు పూర్తిగా సీక్రేట్ గా ఉంచుతున్నారని సమాచారం.

రాజమౌళితో సినిమా అంటే ఆమాత్రం ఉంటుందనే చెప్పాలి.  ఆయనతో చేసే మూవీ చేస్తే హీరోలకు భారీ రెమ్యూనరేషన్ తో పాటు పేరు ప్రఖ్యాతులు అదే రేంజ్ లో వస్తాయి. అందుకే హీరోలు రాజమౌళి ఎన్ని షరతులు పెట్టినా.. సంతోషంగా అంగీకరిస్తారు.