Hero Suriya : అక్షరాలా 500 కోట్లు..చరిత్ర సృష్టించబోతున్న తమిళ హీరో సూర్య!

Tamil hero Suriya who is going to create history

Hero Suriya : తమిళ హీరోలకు మన తెలుగు లో మంచి మార్కెట్ ఉన్న సంగతి తెలిసిందే. ముఖ్యంగా హీరో సూర్య కి అయితే ఇక్కడి స్టార్ హీరోలతో సమానమైన క్రేజ్ ఉంది. ఆయన సినిమాలకు వచ్చే ఓపెనింగ్స్ ఒకప్పుడు మన స్టార్ హీరోలకు కూడా వచ్చేవి కాదు. కానీ ఈమధ్య ఎందుకో ఆయన చేసిన సినిమాలన్నీ డిజాస్టర్ ఫ్లాప్స్ అవుతూ వచ్చాయి. ఇప్పుడు సూర్య ఫ్యాన్స్ మొత్తం ‘కంగువ’ అనే భారీ బడ్జెట్ చిత్రం మీదనే ఆశలు పెట్టుకున్నారు.

గోపీచంద్ తో ‘శంఖం’ , ‘సౌర్యం’ వంటి సినిమాలు చేసిన శివ ఈ చిత్రానికి దర్శకత్వం వహిస్తున్నాడు. ఆయన తమిళం అజిత్ తో కలిసి ఎన్నో సూపర్ హిట్ సినిమాలు తీసాడు. కానీ ఆయన గత చిత్రం సూపర్ స్టార్ రజినీకాంత్ తో తీసిన ‘అన్నతే’ చిత్రం భారీ డిజాస్టర్ ఫ్లాప్ గా నిల్చింది. ఇప్పుడు ఆయన సూర్య తో ‘కంగువ’ లాంటి భారీ బడ్జెట్ చిత్రం తీస్తున్నాడు.

గత ఏడాది ఈ సినిమాకి సంబంధించిన టీజర్ ని విడుదల చెయ్యగా, దానికి ఫ్యాన్స్ మరియు ఆడియన్స్ నుండి మంచి రెస్పాన్స్ వచ్చింది. ఈ సినిమా తర్వాత సూర్య మరో భారీ బడ్జెట్ చిత్రం చెయ్యబోతున్నాడు. త్వరలోనే ఆయన ప్రముఖ బాలీవుడ్ దర్శకుడు రాకేష్ ఓం ప్రకాష్ దర్శకత్వం లో మహాభారతం ఇతిహాసం లోని ఒక ముఖ్యమైన ఘట్టానికి సంబంధించిన కథ తో సినిమా తియ్యబోతున్నాడు. ఈ చిత్రానికి దాదాపుగా 500 కోట్ల రూపాయిల బడ్జెట్ పెట్టబోతున్నారట. ఈ సినిమాలో సూర్య కర్ణుడి పాత్ర పోషించబోతున్నట్టు టాక్. అయితే ఈ సినిమాలో ఆయనకీ జోడిగా అతిలోక సుందరి కూతురు జాన్వీ కపూర్ హీరోయిన్ గా చేయబోతున్నట్టు సమాచారం. జాన్వీ కపూర్ సౌత్ లో ‘దేవర’ చిత్రం తర్వాత ఒప్పుకున్న సినిమా ఇదేనట.

ఈ రెండు సినిమాలకు ముందు జాన్వీ కపూర్ పలు బాలీవుడ్ చిత్రాలలో హీరోయిన్ గా నటించింది. ఒక్క సినిమా కూడా సక్సెస్ అవ్వలేదు. ఇప్పుడు ఆమె ఆశలన్నీ సౌత్ సినిమా వైపే పెట్టుకుంది. కనీసం ఇక్కడైనా సక్సెస్ అందుకుంటుందో లేదో చూడాలి. మహాభారతం స్టోరీ అంటే ప్రతీ ఒక్కరికి ఆసక్తే. కరెక్ట్ గా తియ్యలే కానీ, ఈ కథ మీద బాక్స్ ఆఫీస్ వద్ద అద్భుతాలు సృష్టించొచ్చు. మరి సూర్య ‘మహాభారతం’ ఆడియన్స్ ని ఎంత వరకు అలరించబోతుందో చూడాలి.