Mahesh Babu : ఇదే తెలుగులో చివరి సినిమా.. అందుకే డ్యాన్స్ లు చించేశా.. మహేశ్ బాబు షాకింగ్ కామెంట్స్

Mahesh Babu

Mahesh Babu : ప్రిన్స్ మహేశ్ బాబు ఫ్యాన్ ఫాలోయింగ్ గురించి చెప్పక్కర్లేదు. చిన్నతనం నుంచి నటిస్తూ.. యాభై పడిలోకి వచ్చినా ఇంకా 18ఏండ్ల కుర్రాడిలానే ఫిజిక్, గ్లామర్ మెయింటేన్ చేస్తున్నారు. అప్పటి నుంచి ఇప్పటివరకు చాలా జాగ్రత్తగా కెరీర్ ను ప్లాన్ చేసుకుంటూ ముందుకెళ్తున్నారు. ఎప్పుడూ నవ్వుతూ ఉండే మహేశ్.. తన పని తాను చేసుకుంటూ ఎవరితో వివాదాలకు దిగకుండా ‘కామ్ గోయింగ్’ తన స్టార్ డమ్ ను మరింత పెంచుకుంటూ వెళ్తన్నారు.

ఇక మొన్న జనవరి 12న రిలీజైన ‘గుంటూరు కారం’ మూవీ మిక్స్ డ్ టాక్ తెచ్చుకున్న మంచి కలెక్షన్లు రాబడుతోంది. వరల్డ్ వైడ్ గా ఎన్నో తెలుగు సినిమా రికార్డులను బద్దలు కొడుతోంది. రీసెంట్ గా మహేశ్ బాబు షాకింగ్ కామెంట్స్ చేశారు. తాను చేయబోయే చివరి తెలుగు సినిమా ఇదే కానుందని అని చెప్పుకొచ్చారు. దీన్ని బట్టి చూస్తే ఇక మహేశ్ రాబోయే చిత్రాలన్నీ పాన్ ఇండియా, పాన్ వరల్డ్ లెవల్ లోనే ఉండబోతున్నట్లు తెలుస్తోంది. ఇక మహేశ్ రాబోయే చిత్రం రాజమౌళిదే. ఈ సినిమాను రాజమౌళి భారీ బడ్జెట్ తో, ఎవరూ ఊహించని రీతిలో గ్లోబల్ సినిమాగా తెరకెక్కించబోతున్నారు. ఇక ఆ తర్వాత మహేశ్ సినిమాలన్నీ ఓ రేంజ్ లోనే ఉండబోతున్నాయి. ఇక తెలుగు భాషలోనే ఉండే పరిస్థితి లేదు.

ఇక ఇదే తెలుగు నేటివిటీలో చివరి సినిమా అని మహేశ్.. గుంటూరు కారంలో పక్కా మాస్ డ్యాన్స్ లు చేసినట్టు ఆ ఇంటర్వ్యూలో చెప్పుకొచ్చారు. అందుకే సినిమాలో రెండు పక్కా మాస్ సాంగ్ లు పెట్టి..అద్దిరిపోయే స్టెప్పులు వేసినట్లు తెలిపారు. గుంటూరు కారం మిక్సడ్ టాక్ వచ్చినా ప్రభంజనం సృష్టిస్తోంది. ఇక రాబోయే రాజమౌళి సినిమా ఎన్ని రికార్డులు బద్దలు కొడుతుందో చూడాలంటే మరో రెండేండ్లు ఆగక తప్పదు.