Sriya Reddy : ‘సలార్’ నటి శ్రీయా రెడ్డి ఒక ప్రముఖ ఇండియన్ క్రికెటర్ కూతురు అట..ఆ క్రికెటర్ ఎవరో చెప్పుకోండి చూద్దాం!
Sriya Reddy is daughter of a famous Indian cricketer
Sriya Reddy : సౌత్ ఇండియా లో మంచి డిమాండ్ ఉన్న లేడీ విలన్స్ లిస్ట్ తీస్తే అందులో శ్రీయా రెడ్డి పేరు ముందు వరుసలో ఉంటుంది. ఈమె మొదట్లో ఇండస్ట్రీ కి హీరోయిన్ గానే ఎంట్రీ ఇచ్చింది. అప్పట్లో రాజా హీరో గా నటించిన ‘అప్పుడప్పుడు’ అనే సినిమాలో హీరోయిన్ గా మన అందరికీ పరిచయం అయ్యింది. ఆ సినిమా కమర్షియల్ గా పెద్దగా సక్సెస్ అవ్వలేదు. ఆ తర్వాత తమిళం లో పలు సినిమాల్లో హీరోయిన్ గా నటించిన శ్రీయా రెడ్డి సక్సెస్ ఆమడ దూరం లోనే ఆగిపోయింది.
అలాంటి సమయం లో ఆమెకి తమిళ హీరో విశాల్ నటించిన ‘పొగరు’ చిత్రం లో లేడీ విలన్ గా చేసే అవకాశం దక్కింది. నటనకి పూర్తి స్థాయి ప్రాధాన్యత ఉన్న పాత్ర కావడంతో శ్రీయా రెడ్డి హీరో తో పోటీపడి నటించి మంచి గుర్తింపుని సంపాదించింది. అలా లేడీ విలన్ గా, క్యారక్టర్ ఆర్టిస్టుగా సినిమాలు చేస్తూ సౌత్ లో మంచి డిమాండ్ ని సంపాదించింది.
రీసెంట్ గానే ఈమె ప్రభాస్ హీరో గా నటించిన పాన్ ఇండియన్ బ్లాక్ బస్టర్ ‘సలార్’ చిత్రం లో ఒక పవర్ ఫుల్ లేడీ విలన్ రోల్ చేసిన సంగతి తెలిసిందే. ఇదంతా పక్కన పెడితే ఈమెకి సంబంధించిన లేటెస్ట్ న్యూస్ ఒకటి ఇప్పుడు సోషల్ మీడియా లో బాగా వైరల్ అయ్యింది. అదేమిటంటే ఈమె ప్రముఖ ఇండియన్ క్రికెటర్ భరత్ రెడ్డి కి కూతురు అవుతుందట. భరత్ రెడ్డి ఇండియన్ క్రికెట్ టీం తరుపున ఆడి ఎన్నో విజయాలకు కారణం అయ్యాడు. అంతే కాకుండా దినేష్ కార్తీక్ లాంటి క్రికెటర్స్ ఎందరికో శిక్షణ అందించి ఇండియన్ టీం కి సేవలు అందించాడు. అలాంటి వ్యక్తి కూతురిగా శ్రీయా రెడ్డి సినీ ఇండస్ట్రీ లోకి అడుగుపెట్టింది. ఈ విషయాన్నీ తెలుసుకున్న నెటిజెన్స్ ఇన్ని రోజులు ఆమె ఇండస్ట్రీ లో ఉన్నా కూడా ఈ విషయాన్నీ తెలుసుకోలేకపోయామే అని అనుకుంటున్నారు.
ఇది ఇలా ఉండగా శ్రీయా రెడ్డి తమిళ హీరో విశాల్ సోదరుడు విక్రమ్ కృష్ణ ని పెళ్లి చేసుకున్న సంగతి తెలిసిందే. రీసెంట్ గా మళ్ళీ సినిమాలతో బిజీ అయినా శ్రీయా రెడ్డి ప్రస్తుతం పవర్ స్టార్ పవన్ కళ్యాణ్ హీరో గా నటిస్తున్న ఓజీ చిత్రం లో ఒక పవర్ ఫుల్ పాత్ర ని పోషిస్తుంది. ఈ చిత్రంతో పాటుగా మరో మూడు పాన్ ఇండియన్ సినిమాలు చెయ్యడానికి సంతకం చేసింది.