Kalki Release Date : ‘కల్కి’ విడుదల తేదీ వచ్చేసింది..ఫ్యాన్స్ కి ఇక పండగే!

kalki 2898 AD release date

Kalki Release Date : యంగ్ రెబెల్ స్టార్ ప్రభాస్  ప్రస్తుతం చేస్తున్న సినిమాలలో పాన్ ఇండియన్ ఆడియన్స్ ని ఆకర్షిస్తున్న చిత్రాలలో ఒకటి ‘కల్కి 2898 AD’. మహానటి లాంటి బ్లాక్ బస్టర్ హిట్ తర్వాత నాగ అశ్విన్ దర్శకత్వం లో వస్తున్న ఈ సినిమాపై అంచనాలు మామూలు రేంజ్ లో లేవు. గత ఏడాది విడుదలైన గ్లిమ్స్ వీడియో కి అద్భుతమైన రెస్పాన్స్ వచ్చింది. మహాభారతం కాలం లోని కొంత మంది లెజెండ్స్ కూడా ఈ చిత్రం లో కనిపిస్తారు.

అమితాబ్ బచ్చన్, కమల్ హాసన్, దీపికా పదుకొనే, దుల్కర్ సల్మాన్ ఇలా పాన్ ఇండియా లెవెల్ లో సూపర్ స్టార్స్ గా కొనసాగుతున్న వారు ఈ చిత్రం లో భాగం అవ్వడం వల్ల ట్రేడ్ ఎప్పుడెప్పుడు ఈ చిత్రం విడుదల అవుతుందా అని ఆతృతగా ఎదురు చూస్తున్నారు. వాళ్ళ ఎదురు చూపులకు తెరదించుతూ ఈ సినిమా విడుదల తేదీ వచ్చేసింది.

మేకర్స్ ఈ సినిమాని మే 9 వ తారీఖున విడుదల చేయబోతున్నామని కాసేపటి క్రితమే అధికారిక ప్రకటన చేసారు. టాకీ పార్ట్ మొత్తం దాదాపుగా పూర్తి అయ్యిందని, కేవలం కమల్ హాసన్ కి సంబంధించిన సన్నివేశాల చిత్రీకరణ మాత్రమే బ్యాలన్స్ ఉందని మేకర్స్ ఈ సందర్భంగా తెలిపారు. కమల్ హాసన్ రీసెంట్ గానే ఈ మూవీ షూటింగ్ లో జాయిన్ అయ్యాడట. 40 రోజుల పాటు ఆయన పై సన్నివేశాలను తియ్యబోతున్నారు. ఈ సినిమాలో ఆయన విలన్ రోల్ లో మన అందరికీ కనిపించబోతున్నాడు. ఆయన లుక్ కూడా ఫ్యాన్స్ మరియు ఆడియన్స్ షాక్ అయ్యే విధంగా ఉంటుందట. ప్రభాస్ ఈ చిత్రం లో మహా విష్ణువు చివరి అవతారం ‘కల్కి’ గా కనిపించబోతున్నాడట. 2898 లో జన్మించిన కల్కిని , దుష్ట శక్తులను అంతం చేసే ఆవశ్యకత ఉండడం తో టైం మెషిన్ ద్వారా ఆయన్ని ప్రస్తుత కాలానికి తీసుకొస్తారట. దానినే ‘ప్రాజెక్ట్ K’ పేరుతో ఈ సినిమా లో పిలుస్తారట.

అంతే కాదు మహాభారతం లోని శ్రీ కృష్ణుడి శాపం తో బ్రతికే ‘అశ్వద్దామా’ పాత్ర కూడా ఈ చిత్రం లో ఉంటుందట. ఆ క్యారక్టర్ ని అమితాబ్ బచ్చన్ పోషిస్తున్నాడు. ఇలా సినిమాలో ఎన్నో ఆసక్తికరమైన ట్విస్టులు ఉంటాయని సమాచారం. కథ వింటుంటే ఇప్పుడే ఈ సినిమాని చూసేయాలి అనేంత ఆత్రుత కలుగుతుంది కదూ, కానీ మే 9 వరకు ఆగాల్సిందే, తప్పదు.