Trivikram Speech : త్రివిక్రమ్ స్పీచ్ లో వింటేజ్ ఫీల్ మిస్..

Trivikram speech

Trivikram Speech : మాటల మాంత్రికుడిగా త్రివిక్రమ్ శ్రీనివాస్ కు ఇండస్ట్రీలో మంచి గుర్తింపు ఉంది. పవర్ ఫుల్ డైలాగులు రాయాలన్నా.. వాడాలన్నా.. ఆయనతోనే సాధ్యం. సినిమా డైలాగుల్లో ఆయన ఒక విప్లవాత్మకమైన మార్పును తెచ్చారు. పాతతరం రైటర్ల డైలాగుల్లో లాగా మూసధోరణిలో సాగక.. పంచులు, ప్రాసలతో ఆద్యతం వీనుల వింధుగా ఉంటాయని త్రివిక్రమ్ డైలాగ్స్.

ఆయనది ఏ సినిమా చూసినా.. ఏ ఈవెంట్ చూసిన ఆయన మాట్లాడే తీరు కట్టి పడేస్తుంది. ఎంత పెద్ద స్టార్ హీరోలైనా.. మాట్లాడితే పెద్దగా పట్టించుకోని ఆడియన్స్ కేవలం త్రివిక్రమ్ స్పీచ్ అంటేనే ఆసక్తిగా చెవులు చాటలు చేసుకొని వింటుంటారు. ఆయన భాష, యాసను పట్టుకోవడం కొంచెం కష్టంగానే ఉంటుంది.

అయితే ‘గుంటూరు కారం’ ప్రీ రిలీజ్ ఈవెంట్ నేడు (జనవరి 9) గుంటూరు జిల్లా కేంద్రంలో వైభవంగా జరిగింది. ప్రీ రిలీజ్ ఈవెంట్ ఎక్కడ చేద్దామని మహేశ్ బాబు సందిగ్ధంలో మీ ఊరు గుంటూరులో చేద్దామని త్రివిక్రమ్ చెప్పడంతో దానివైపే మహేశ్ మొగ్గు చూపారు.

అయితే ప్రీ రిలీజ్ ఈవెంట్ లో ఈసారి త్రివిక్రమ్ వింటేజ్ స్పీచ్ మిస్సయిందని ఆయన అభిమానులతో పాటు సినీ ప్రేక్షకులు అనుకుంటున్నారు. సినిమా గురించి లేదంటే దాని మేకింగ్, స్టోరీలో ట్విస్ట్ లు తదితరాల గురించి సాధారణ పద్ధతికి భిన్నంగా ఆయన ప్రజెంట్ చేస్తారు. కానీ ఈ సారి అది పూర్తిగా మిస్సయింది. సాదా సీదాగా ప్రసంగాన్ని కొనసాగించారు. పంచులు గానీ భారీ డైలాగులు గానీ ఏవీ లేకుండా మమ అనిపించారు.

త్రివిక్రమ్ మాటల మాయాజాలం కోసం ఆత్రుతగా ఎదురుచూసిన ప్రతి ఒక్కరికీ ఆయన ప్రసంగం లేదా అది లేకపోవడం నిరాశ కలిగించింది. మళ్లీ పెద్ద వేదికపై ఆయన మాట వినాలంటే అభిమానులు ఆయన తదుపరి విడుదల వరకు వేచిచూడక తప్పదని తెలుస్తోంది.