Guntur Kaaram : ప్రీ రిలీజ్ ఈవెంట్ కు దిమ్మతిరిగే ఏర్పాట్లు..70 ఎంఎం స్క్రీన్లు…ఇంకా..

Guntur Kaaram Pre Release Event

Guntur Kaaram : సూపర్ స్టార్ మహేశ్ బాబు, త్రివిక్రమ్ కాంబినేషన్ లో వస్తున్న ‘గుంటూరు కారం’పై అంచనాలు మరింత పెరుగుతున్నాయి. గత 15 రోజులుగా ఈ మూవీ రోజుకో అప్ డేట్ తో ఫ్యాన్స్ లో మరింత ఆసక్తిని పెంచుకుంటూ వస్తోంది. సంక్రాంతి కానుకగా ఈనెల 12న థియేటర్లలోకి వస్తున్న గుంటూరు కారం ఇప్పటికే రికార్డుల ఊచకోతను స్టార్ట్ చేసింది. ఆదివారం రిలీజైన ట్రైలర్ ను 24గంటల్లోనే ఏకంగా 39 మిలియన్స్ మంది చూశారు. ఇది సౌత్ ఇండియాలోనే రికార్డు. గత సినిమాల రికార్డులను ఇది తొక్కేసిందనే చెప్పాలి.

హారికా అండ్ హాసిని క్రియేషన్స్ పతాకంపై రాధాకృష్ణ(చినబాబు) నిర్మించిన ఈ మూవీలో శ్రీలీల, మీనాక్షి చౌదరి హీరోయిన్లు. జగపతి బాబు, రమ్యకృష్ణ, జయరాం.. ఇతర నటీనటులు. తమన్ సంగీతం అందిస్తున్న ఈ మాస్ మసాలా మూవీని ఎప్పుడెప్పుడు చూస్తామా? అని ఫ్యాన్స్ ఈగర్ గా వెయిట్ చేస్తున్నారు. ఈ మూవీలో మహేశ్ మాసీ లుక్.. సాంగ్స్, ఫైట్స్, డైలాగ్స్ అన్నింట్లోనూ వింటేజ్ మహేశ్ దర్శనమిస్తున్నాడనే చెప్పాలి.

ఇక ఈ సినిమా ప్రీ రిలీజ్ ఈవెంట్ ఇవాళ (జనవరి 9)న గుంటూరు సమీపంలోని నంబూరు క్రాస్ రోడ్స్ వద్ద గల భారత్ పెట్రోల్ బంక్ పక్కనే ఉన్న ఓపెన్ ప్లేస్ లో ఈ కార్యక్రమం నిర్వహించనున్నారు. ఇప్పటికే మూవీ యూనిట్ అన్ని ఏర్పాట్లు పూర్తి చేసింది. భారీ లైటింగ్ ,  సౌండ్ సిస్టమ్స్, విజువల్ ఎఫెక్ట్, 70ఎంఎం స్క్రీన్లను ఏర్పాటు చేస్తున్నారు. గుంటూరులో గతంలో ఎన్నడూ లేని విధంగా ఏర్పాట్లు చేశారు. లక్షలాది మంది మహేశ్ బాబు ఫ్యాన్స్, ప్రజలు వచ్చి ఈవెంట్ ను తిలకించేలా ప్లాన్ చేశారు.

కాగా, ఈవెంట్ సాయంత్రం 5గంటలకు ప్రారంభం కానుంది. కార్యక్రమంలో మహేశ్ బాబు, శ్రీలీల , మీనాక్షి చౌదరి, రమ్యకృష్ణ, జగపతి బాబు, త్రివిక్రమ్, చినబాబు.. సహ పలువురు నటీనటులు, టెక్నిషియన్స్ హాజరుకానున్నారు. దీంతో సంక్రాంతి మరో నాలుగు రోజులు ఉండగానే గుంటూరులో సందడి నెలకొంది.