Hanuman : ‘హనుమాన్’ చిత్రాన్ని మిస్ చేసుకున్న టాలీవుడ్ క్రేజీ స్టార్ హీరో అతనే!

Hanuman Movie 2024

Hanuman Movie 2024 : ఈ సంక్రాంతికి భారీ అంచనాల నడుమ విడుదల అవ్వబోతున్న చిత్రాలలో ఒకటి ‘హనుమాన్’. ఒక చిన్న సినిమాకి స్టార్ హీరో సినిమాకి వచ్చినంత హైప్ వస్తుందని ఇప్పటి వరకు ఎవ్వరూ ఊహించలేదు. ‘హనుమాన్’ విషయం లో అదే జరిగింది. సోషల్ మీడియా లో ఎక్కడ చూసిన ఈ చిత్రం గురించే మాట్లాడుకుంటున్నారు. గత ఏడాది ‘ఆదిపురుష్’ టీజర్ విడుదల సమయంలోనే ‘హనుమాన్’ టీజర్ వచ్చింది.

ఇంత తక్కువ బడ్జెట్ తో ఆదిపురుష్ టీజర్ కంటే అద్భుతమైన క్వాలిటీ ని రాబట్టాడు అని డైరెక్టర్ ప్రశాంత్ వర్మ పై నెటిజెన్స్ ప్రశంసల వర్షం కురిపించారు. అప్పటి నుండే ఈ చిత్రం పై హైప్ అమాంతం పెరగడం ప్రారంభం అయ్యింది. జనవరి 12 వ తారీఖున విడుదల అవ్వబొయ్యే ఈ సినిమా గురించి ఎవరికీ తెలియని కొన్ని షాకింగ్ నిజాలను మీ ముందు ఉండబోతున్నాం ఒకసారి చూడండి.

ప్రశాంత్ వర్మ కి అప్పట్లో సరైన బ్లాక్ బస్టర్ హిట్స్ లేవు. చేసిన ప్రతీ సినిమా ఫ్లాప్ అవుతూ వచ్చింది. కానీ ఆయన దగ్గర ఒక్క భారీ బడ్జెట్ కి సరిపడా పాన్ ఇండియన్ ప్రాజెక్ట్ స్క్రిప్ట్ ఉంది. ఆ స్క్రిప్ట్ ని పట్టుకొని ఆయన ఎంతో మంది స్టార్ హీరోల ఆఫీసుల చుట్టూ తిరిగాడు. ఒక్కరు కూడా ఆయనకి అవకాశం ఇవ్వలేదు. చివరికి మీడియం రేంజ్ హీరోలు కూడా ముఖం చాటేశారు.  అలాంటి సమయం లో న్యాచురల్ స్టార్ నాని ఈ చిత్రం చెయ్యడానికి ముందుకు వచ్చాడు. ప్రశాంత్ వర్మ ని హీరో నాని నమ్మినంతగా ఎవ్వరూ నమ్మలేదనే చెప్పాలి. నాని నిర్మాతగా ప్రశాంత్ వర్మ కి ‘అ!’ అనే సినిమాకి దర్శకత్వం వహించే అవకాశం ఇచ్చాడు. డిఫరెంట్ కథాంశం తో తెరకెక్కిన ఈ చిత్రం కమర్షియల్ గా కూడా సూపర్ హిట్ అయ్యింది. భవిష్యత్తులో కచ్చితంగా మనం కలిసి సినిమా చేద్దాం అన్నాడు నాని.

‘హనుమాన్’ స్క్రిప్ట్ ని వినగానే, వెంటనే తన నిర్మాణ సంస్థలో తానే హీరో గా చేద్దాం అనుకున్నాడు. కానీ బడ్జెట్ సమస్యలు రావడం తో ఈ సినిమా కార్యరూపం దాల్చలేదు. ఆ సమయం లో ఈ చిత్రాన్ని తేజ సజ్జలతో చెయ్యాలని అనుకున్నాడు. అతనితో చేసాడు, నేడు టాలీవుడ్ మొత్తం ఈ సినిమా కోసం ఎదురు చూసేలా చేసాడు. మరి ఆ ఎదురు చూపులకు తగ్గట్టుగానే చిత్రం ఉంటుందా లేదా అనేది తెలియాలంటే 12 వ తేదీ వరకు ఆగాల్సిందే.