Chiranjeevi:`సలార్`పై చిరు మార్కు రివ్యూ..ప్ర‌భాస్‌పై ప్ర‌శంస‌లు
Chiranjeevi:పాన్ ఇండియా స్టార్ ప్ర‌భాస్ న‌టించిన భారీ హై వోల్టేజ్ యాక్ష‌న్ ఎంట‌ర్ టైన‌ర్ `సలార్`. అత్యంత భారీ స్థాయిలో ద‌ర్శ‌కుడు ప్ర‌శాంత్ నీల్ ఈ మూవీని తెర‌కెక్కించారు. భారీ క్రేజీ సినిమాల నిర్మాణ సంస్థ‌గా పేరు తెచ్చుకున్న హోంబ‌లే ఫిలింస్ ఈ సినిమాని అత్యంత ప్ర‌తిష్టాత్మ‌కంగా నిర్మించింది. టీజ‌ర్‌, ట్రైల‌ర్‌లతో అంచ‌నాల్ని పెంచేసిన ఈ సినిమా భారీ స్థాయిలో ప్ర‌పంచ వ్యాప్తంగా డిసెంబ‌ర్ 22న విడుద‌లైన సూప‌ర్ హిట్ అనిపించుకున్న విష‌యం తెలిసిందే.
ప్రేక్ష‌కుల ప్ర‌శంస‌ల్ని ద‌క్కించుకుంటూ బాక్సాఫీస్ వ‌ద్ద రికార్డు స్థాయి వ‌సూళ్ల‌ని రాబ‌డుతున్న `సలార్`పై సినీ ప్ర‌ముఖులు కూడా ప్ర‌శంస‌లు కురిపిస్తున్నారు. తాజాగా మెగాస్టార్ చిరంజీవి ఈ సినిమాపై త‌న రివ్యూ ఇవ్వ‌డ‌మే కాకుండా ప్ర‌శంస‌ల వ‌ర్షం కురిపించారు. `సలార్` సినిమాని, హీరో ప్ర‌భాస్‌ని అభినందిస్తూ సోష‌ల్ మీడియా వేదిక‌గా చిరంజీవి ఓ పోస్ట్ పెట్టారు. అది ప్ర‌స్తుతం నెట్టింట వైర‌ల్‌గా మారింది.
`దేవా పాత్ర‌తో ఆక‌ట్టుకున్న ప్ర‌భాస్‌కు హృద‌య‌పూర్వ‌క శుభాకాంక్ష‌లు. `సలార్ సీజ్ ఫైర్‌` బాక్సాఫీస్ వ‌ద్ద అద‌ర‌గొడుతోంది. ఇంత‌గొప్ప సినిమాని అందించిన ద‌ర్శ‌కుడు ప్ర‌శాంత్ నీల్‌కు అభినంద‌న‌లు. ఆయ‌న సినీ రంగంలో మ‌రింత‌గా రాణిస్తారు. ఇక ఇందులో వ‌ర‌ద‌రాజ‌మ‌న్నార్‌గా పృథ్వీరాజ్ సుకుమార‌న్‌, ఆద్య‌గా శృతిహాస‌న్‌, క‌ర్త రాజ‌మ‌న్నార్‌గా జ‌గ‌ప‌తిబాబు అద్భుతంగా న‌టించారు. టెక్నిక‌ల్ టీమ్ ప‌నితీరు కూడా ప్ర‌శంస‌నీయంగా ఉంది. ఇంత పెద్ద విజ‌యం సాధించినందుకు అంద‌రికీ అభినంద‌న‌లు` అన్నారు. చిరుతో పాటు ద‌ర్శ‌కుడు మారుతి, హీరో గోపీచంద్ `సలార్`పై ప్ర‌శంస‌లు కురిపించారు.
Heartiest Congratulations my dear ‘Deva’ #RebelStar #Prabhas 🤗#SalaarCeaseFire has put the Box Office on Fire 🔥🔥
Kudos to Director #PrashanthNeel on this remarkable achievement. You truly excel at world building.
My love to the Superb ‘Varadaraja Mannar’ @PrithviOfficial…
— Chiranjeevi Konidela (@KChiruTweets) December 23, 2023