Salaar:బాక్సాఫీస్ వ‌ద్ద `సలార్`వ‌సూళ్ల సునామీ..తొలి రోజు క‌లెక్ష‌న్స్ ఎంతంటే..!
Salaar:పాన్ ఇండియా స్టార్ ప్ర‌భాస్ న‌టించిన భారీ యాక్ష‌న్ ఎమోష‌న‌ల్ డ్రామా `సలార్`. హోంబ‌లే ఫిలింస్ వారు అత్యంత ప్ర‌తిష్టాత్మ‌కంగా నిర్మించిన ఈ సినిమా డిసెంబ‌ర్ 22న విడుదలైన విష‌యం తెలిసిందే. శృతిహాస‌న్ హీరోయిన్‌గా న‌టించిన ఈ మూవీలోని కీల‌క పాత్ర‌ల్లో మ‌ల‌యాళ హీరో పృథ్వీరాజ్ సుకుమార‌న్, జ‌గ‌ప‌తిబాబు, ఈశ్వ‌రీరావు, మ‌ధుస్వామి, జాన్ విజ‌య్‌, బాబీ సింహా త‌దిత‌రులు న‌టించారు. ప్ర‌పంచ వ్యాప్తంగా డిసెంబ‌ర్ 22న విడుదలైన ఈ మూవీ బాక్సాఫీస్ వ‌ద్ద వ‌సూళ్ల సునామీని సృష్టిస్తోంది.
వ‌ర‌ల్డ్ వైడ్‌గా రికార్డు స్థాయి థియేట‌ర్ల‌లో విడుదలైన `సలార్` తొలి రోజే భారీ వ‌సూళ్ల‌ని రాబ‌ట్టింది. అడ్వాన్స్ బుకింగ్స్‌లోనే అద‌ర‌గొట్టిన `సలార్` ప్ర‌పంచ వ్యాప్తంగా మొద‌టి రోజు రికార్డు స్థాయిలో రూ.175 కోట్లు రాబ‌ట్టి సంచ‌ల‌నం సృష్టించినట్టుగా తెలుస్తోంది. ఇండియా వ్యాప్తంగా ఈ సినిమా ఓపెనింగ్ రోజు రూ.95 కోట్లు రాబ‌ట్టింద‌ని ట్రేడ్ వ‌ర్గాలు చెబుతున్నాయి. దీంతో ఒకే సంవ‌త్స‌రంలో రెండు సినిమాల‌కు రూ.100 కోట్ల వ‌సూళ్ల‌ని రాబ‌ట్టిన భార‌తీయ హీరోగా ప్ర‌భాస్ రికార్డు సాధించారు.
చాలా రోజుల త‌రువాత హీరో ప్ర‌భాస్‌ని చూపించిన తీరు, హై రేంజ్ ఎలివేష‌న్స్, దానికి త‌గ్గ‌ట్టుగా ప్ర‌భాస్ క‌టౌట్‌ని ద‌ర్శ‌కుడు ప్ర‌శాంత్ నీల్ వాడుకున్న తీరు ప్రేక్ష‌కుల‌తో పాటు ఆయ‌న అభిమానుల్ని విశేషంగా ఆక‌ట్టుకుటోంది. చాలా రోజుల త‌రువాత ప్ర‌భాస్‌ని ప్రేక్ష‌కులు, అభిమానులు ఏ రేంజ్‌లో చూడాల‌ని ఆశ‌గా ఎదురు చూశారో అదే స్థాయిలో ఆయ‌న‌ని ప్ర‌శాంత్ నీల్ ప్ర‌జెంట్ చేయ‌డంతో `సలార్`కు ఫ్యాన్స్, సినీ ల‌వ‌ర్స్ బ్ర‌హ్మ‌ర‌థం ప‌డుతున్నారు. దీంతో బాక్సాఫీస్ వ‌ద్ద `సలార్` కాసుల వ‌ర్షం కురిపిస్తోంది.