Thalaivar-171:త‌లైవ‌ర్ 171 కోసం షారూక్‌ కాదంటే ర‌ణ‌వీర్ య‌స్ అన్నాడా?
Thalaivar-171:`జైల‌ర్` త‌ర్వాత సూప‌ర్ స్టార్ రజనీకాంత్ లోకేష్ క‌న‌గ‌రాజ్‌తో జ‌త క‌డుతున్న సంగ‌తి తెలిసిందే. త‌లైవ‌ర్ 171 (తాత్కాలిక టైటిల్) పేరుతో ఈ సినిమా ప్రీప్రొడ‌క్ష‌న్ ఇప్ప‌టికే మొద‌లైంది. కాస్టింగ్ ఎంపిక‌లు మొద‌ల‌య్యాయి. అదే క్ర‌మంలో ఈ చిత్రంలో ఓ కీల‌క పాత్ర కోసం కింగ్ ఖాన్ షారూక్‌ ని సంప్ర‌దించార‌ని క‌థ‌నాలొచ్చాయి. అయితే వ‌రుస‌గా అతిథి పాత్ర‌లు చేస్తున్నందున వాటితో విసుగెత్తిన షారూక్‌ ఇప్పుడు ర‌జ‌నీ సినిమాలో ఆఫ‌ర్ ని తిర‌స్క‌రించిన‌ట్టు క‌థ‌నాలొచ్చాయి.
కింగ్ ఖాన్ షారూక్‌ ఎగ్జిట్ త‌ర్వాత లోకేష్ క‌న‌గ‌రాజ్ ర‌ణ‌వీర్ తో ట‌చ్ లోకి వెళ్లాడ‌ని తెలిసింది. ప్రస్తుతం ర‌ణ‌వీర్ సింగ్ తో ముఖ్య‌మైన అతిథి పాత్ర కోసం మంత‌నాలు సాగుతున్నాయి. అయితే అత‌డు పూర్తి స్క్రిప్టు, త‌న పాత్ర విన్న త‌ర్వాత దానిపై ఆలోచిస్తాడ‌ని తెలిసింది. ర‌ణ‌వీర్ ప్రస్తుతం ప‌లు చిత్రాల‌తో బిజీగా ఉన్నాడు.
ర‌జ‌నీ-లోకేష్ కాంబినేష‌న్ చిత్రం త‌లైవ‌ర్ 171 షూటింగ్ ఏప్రిల్ 2024లో ప్రారంభమవుతుంది. 2025లో విడుదలయ్యేలా ప్లాన్ చేస్తున్నారు. హిందీ స‌హా ప‌లు భాష‌ల నుంచి క్రేజీ స్టార్లు ఈ చిత్రంలో న‌టించే అవ‌కాశం ఉంద‌ని తెలిసింది. సన్ పిక్చర్స్ ఈ సినిమా కోసం దాదాపు 150కోట్లు వెచ్చించ‌నుంద‌ని తెలిసింది. ఈ చిత్రానికి అనిరుధ్ రవిచందర్ సంగీతం అందిస్తున్నారు. రజనీకాంత్ ప్రస్తుతం టీజే జ్ఞానవేల్ సినిమా షూటింగ్‌లో ఉన్నారు. ఈ చిత్రం వ‌చ్చే ఏడాది విడుద‌ల‌వుతుంది.
లోకేష్ క‌న‌గ‌రాజ్ తో సినిమా ఏప్రిల్ లో ప్రారంభమవుతుంది. ఖైదీ,విక్ర‌మ్, లియో లాంటి బ్లాక్ బ‌స్ట‌ర్ల‌ను తెర‌కెక్కించిన లోకేష్ ఇప్పుడు ర‌జ‌నీతో ప‌ని చేస్తుండ‌డంతో స‌ర్వ‌త్రా ఆస‌క్తి నెల‌కొంది. 2024 మోస్ట్ అవైటెడ్ ప్రాజెక్టుల జాబితాలో ఇది కూడా చేరింది.