Amaravati:యువ‌గ‌ళం స‌భ‌కు జ‌న‌సేన అధినేత ప‌వ‌న్ కల్యాణ్
Amaravati:టీడీపీ ప్ర‌ధాన ప్ర‌ధాన కార్య‌ద‌ర్శి నారా లోకేష్ చేప‌ట్టిన యువ‌గ‌ళ పాద‌యాత్ర నేడు విశాఖ జిల్లా అగ‌నంపూడి వ‌ద్ద ముగియ‌నుంది. చిత్తూరు జిల్లా కుప్పంలో ఈ ఏడాది జ‌న‌వ‌రి 27న నారా లోకేష్ పాద‌యాత్ర‌ను ప్రారంభించిన విష‌యం తెలిసిందే. ఉమ్మ‌డి ఆంధ్ర‌ప్ర‌దేశ్‌లో టీడీపీ అధినేత చంద్ర‌బాబు నాయుడు చేప‌ట్టిన `వ‌స్తున్నా మీ కోసం` పాద‌యాత్ర‌నూ ఆగ‌నంపూడి వ‌ద్దే ముగించారు. అదే సెంటిమెంట్‌తో ఇప్పుడు లోకేష్ కూడా అక్క‌డే ముగిస్తున్నారు.
ఈ సంద‌ర్భంగా ఈ నెల 20న విజ‌య‌న‌గ‌రం జిల్లా భోగాపురం మండ‌లం పోలిప‌ల్లి వ‌ద్ద పాద‌యాత్ర విజ‌యోత్స‌వ స‌భ‌ను టీడీపీ భారీ ఎత్తున నిర్వ‌హిస్తోంది. ఈ విజ‌యోత్స‌వ స‌భ‌కు టీడీపీ అధినేత నారా చంద్ర‌బాబు నాయుడు, జ‌న‌సేన అధినేత ప‌వ‌న్ కల్యాణ్ హాజ‌రు కానున్నారు. ఇదే వేదిక‌పై నుంచి ఉమ్మ‌డిగా సార్వ‌త్రిక ఎన్నిక‌ల శంఖారావాన్ని పూరించ‌నున్నారు.
రెండు పార్టీలు అదే రోజు ఎన్నిక‌ల పొత్తుపై కీల‌క ప్ర‌క‌ట‌న చేసే అవ‌కాశం ఉంది. విజ‌యోత్స‌వ స‌భ‌కు ఇరు పార్టీల శ్రేణులు భారీ స్థాయిలో త‌ర‌లిరానున్నారు. ఇప్ప‌టికే ఈ విజ‌యోత్స‌వ స‌భ కోసం టీడీపీ 7 ప్ర‌త్యేక రైళ్ల‌ని ఏర్పాటు చేసింది. ఈ స‌భ‌తో ఏపీలో రాజ‌కీయా హీటు మొద‌ల‌వ్వ‌డం ఖాయ‌మ‌ని రాజ‌కీయ విశ్లేష‌కులు చెబుతున్నారు.