#MrBachchanమాస్ మ‌హారాజా అమితాబ్ బ‌యోపిక్ చేస్తున్నాడా?
#MrBachchan:మాస్ మహారాజ్ రవితేజ -హరీష్ శంకర్ సినిమాకి ఇంట్రెస్టింగ్ టైటిల్ ని ప్ర‌క‌టించారు. ఒక‌రోజు ముందే క‌థానాయిక ఎవ‌రు? అన్న‌ది ప్ర‌క‌టించారు. ఇంత‌లోనే ఈ చిత్రానికి మిస్టర్ బచ్చన్ – అనే టైటిల్ ని, దానికి `నామ్ తో సునా హోగా` అనే ట్యాంగ్ టైన్‌ని ప్ర‌క‌టించి టీమ్ ఆశ్చ‌ర్య‌ప‌రిచింది. రవితేజ రెట్రో లుక్ ని ఆవిష్క‌రించారు. అత‌డు ఒక పాత కాలం స్కూట‌ర్ పై స్టైలిష్ గా కూచుని క‌నిపిస్తున్నాడు. త‌న లుక్ కి త‌గ్గ‌ట్టు క‌ల‌ర్ ఫుల్ షేడెడ్ గ్లాసెస్‌ని ధ‌రించాడు. బ్యాక్ గ్రౌండ్ లో అమితాబ్ ఫేస్ ఆకారంని కూడా ఆవిష్క‌రించ‌డం ఆస‌క్తిని క‌లిగించింది.
మిక్కీ జె మేయర్ ఈ చిత్రానికి సంగీతం అందించ‌నుండా, ఆయనంక బోస్ సినిమాటోగ్ర‌ఫీ అందించ‌నున్నారు. త్వ‌ర‌లో ఈ సినిమా రెగ్యులర్ షూటింగ్‌కు సిద్ధమవుతోంది. దీనికి సంబంధించిన ఒక్కో అప్ డేట్ తో అంత‌కంత‌కు ఆస‌క్తి పెరుగుతోంది. పీపుల్ మీడియా ఫ్యాక్టరీ బ్యానర్‌పై టిజి విశ్వ ప్రసాద్, వివేక్ కూచిబొట్ల ఈ మూవీని సంయుక్తంగా నిర్మిస్తున్నారు.
నిజానికి రవితేజ బిగ్ బి అమితాబ్ బ‌చ్చ‌న్‌కి వీరాభిమాని అన్న విష‌యం తెలిసిందే. త‌న సినిమాల్లో అమితాబ్‌ని అనుక‌రించేందుకు ఆయ‌న సినిమాల్లోని డైలాగుల‌ను చెప్పేందుకు ఎంతో ఆస‌క్తిని క‌న‌బ‌రుస్తారు. చాలా సినిమాల్లో బిగ్ బీని రవితేజ ఇమిటేట్ చేసారు కూడా. ఇప్పుడు ఏకంగా బిగ్ బి అమితాబ్ పాత్ర స్ఫూర్తితో రూపొందించిన సినిమాలోనే న‌టిస్తుండ‌డం ఆస‌క్తిని క‌లిగిస్తోంది. రవితేజ ఇన్ అండ్ యాజ్ బచ్చన్ అంటూ ప్ర‌క‌టించ‌డంతో ఇది బ‌యోపిక్ కేట‌గిరీనా? అంటూ ఆరాలు తీస్తున్నారు. ఒక‌వేళ అమితాబ్ బచ్చన్ బ‌యోపిక్ ని తెర‌కెక్కిస్తే ఆ రైట్ మ‌న‌వాళ్ల‌కు ఉంటుందా? అన్న‌ది కూడా స‌స్పెన్స్ ఎలిమెంట్.
భాగ్య‌శ్రీ బ్రోస్ ఇందులో మాస్ రాజా ర‌వితేజ‌కు జోడీగా న‌టిస్తోంది. తెలుగులో ఇదే ఆమె తొలి సినిమా. కొత్త త‌ర‌హా క‌థ‌తో ర‌వితేజ‌ను స‌రికొత్త‌గా ద‌ర్శ‌కుడు హరీష్ శంకర్ ప్ర‌జెంట్ చేయ‌బోతున్న `మిస్టర్ బచ్చన్` ఈ ఆదివారం గ్రాండ్‌గా ప్రారంభం కానుంది. ఈ సినిమా ఎలా ఉంటుంది? ..ర‌వితేజ‌ను హరీష్ శంకర్ ఎలా చూపించ‌బోతున్నాడు?.. `షాక్‌` , `మిర‌ప‌కాయ్‌` వంటి సినిమాల త‌రువాత వీరిద్ద‌రి కాంబినేష‌న్‌లో రానున్న ఈ సినిమా ఎలా ఉండ‌బోతోంది అన్న‌ది తెలియాలంటే సినిమా రిలీజ్ వ‌ర‌కు వేచి చూడాల్సిందే.
#MrBachchan Naam tho suna hoga 😉
Honoured to play the character with the name of my favourite @SrBachchan saab 🤗🙏@harish2you @peoplemediafcy @TSeries pic.twitter.com/CHMOvgh3bo
— Ravi Teja (@RaviTeja_offl) December 17, 2023