Yash 19 Title:య‌ష్ కొత్త సినిమా టైటిల్ ఇదే.. రిలీజ్ డేట్ కూడా చెప్పేశారు
Yash 19 Title:రాకింగ్ స్టార్ య‌ష్ న‌టించిన `కేజీఎఫ్ చాప్ట‌ర్ 1`, కేజీఎఫ్ చాప్ట‌ర్ 2` దేశ వ్యాప్తంగా సంచ‌ల‌నం సృష్టించిన విష‌యం తెలిసిందే. ఫ‌స్ట్ పార్ట్‌కి మించి `కేజీఎఫ్ చాప్ట‌ర్ 2` రికార్డు స్థాయి విజ‌యాన్ని సాధించింది. వ‌ర‌ల్డ్ వైడ్‌గా బాక్సాఫీస్ వ‌ద్ద రూ.1200 కోట్ల‌కు మించి వ‌సూళ్ల‌ని రాబ‌ట్టి య‌ష్ స‌త్తా ఏంటో నిరూపించింది. ఇదిలా ఉంటే కేజీఎఫ్ సిరీస్ సినిమాల‌తో ప్ర‌పంచ వ్యాప్తంగా రికార్డు స్థాయి స‌క్సెస్‌ని సొంతం చేసుకున్న హీరో య‌ష్ నెక్స్ట్ సినిమా ఏంట‌న్న‌ది ఆస‌క్తిక‌రంగా మారింది.
కేజీఎఫ్` సిరీస్‌ల‌తో రాఖీభాయ్‌గా ఆక‌ట్టుకున్న య‌ష్ సైలెంట్‌గా వ‌చ్చి మోన్‌స్ట‌ర్‌గా ఇండియ‌న్ బాక్సాఫీస్‌ని షేక్ చేసిన విష‌యం తెలిసిందే. `కేజీఎఫ్ 2` త‌రువాత రాకింగ్ స్టార్ య‌ష్ ఎలాంటి సినిమా చేయ‌బోతున్నాడ‌ని చ‌ర్చ గ‌త కొన్ని రోజులుగా జ‌రుగుతూ వ‌చ్చింది. ఫైన‌ల్‌గా మ‌ల‌యాళ లేడీ డైరెక్ట‌ర్ గీతూ మోహ‌న్ డైరెక్ష‌న్‌తో య‌ష్ త‌న 19న ప్రాజెక్ట్‌కు శ్రీ‌కారం చుట్ట‌బోతున్న‌డ‌ని క్లారిటీ వ‌చ్చేసింది. ఈ విష‌యాన్ని ఇప్ప‌టికే అధికారింకంగా టీమ్ ప్ర‌క‌టించారు కూడా.
శుక్ర‌వారం ఈ సినిమా రిలీజ్ డేట్‌ని వెల్ల‌డించ‌డ‌మే కాకుండా టైటిల్‌ని కూడా ప్ర‌క‌టిస్తూ ఓ వీడ‌యోని విడుద‌ల చేశారు. య‌ష్ 19వ సినిమాగారానున్న ఈ ప్రాజెక్ట్‌కు `టాక్సిక్‌` అనే టైటిట్‌ని ఫైన‌ల్ చేశారు. దీనికి సంబంధించిన వీడియోని సోష‌ల్ మీడియాలో అభిమానుల‌తో పంచుకున్న య‌ష్ ఆస‌క్తిక‌ర వ్యాఖ్య‌లు చేశారు. `నువ్వు వెతుకుతున్న‌ది..నిన్ను కోరుకుంటోంది` అనే క్యాప్ష‌న్ ఇచ్చారు. ఈ సినిమాని వ‌చ్చే ఏడాది 2025 ఏప్రిల్ 10న విడుద‌ల చేయ‌నున్న‌ట్లు తెలిపారు.
ఇది పూర్తి స్థాయి యాక్ష‌న్ ఎంట‌ర్‌టైన‌ర్ గా రానుంది. అత్యంత భారీ బ‌డ్జెట్‌తో నిర్మిస్తున్నారు. మాద‌కద్ర‌వ్యాలకు సంబంధించిన క‌థ‌గా ఈ సినిమా రూపొందుతున్న‌ట్టుగా తెలుస్తోంది. ఇందులో య‌ష్‌కు జోడీగా క్రేజీ హీరోయిన్ సాయిప‌ల్ల‌విని ఎంపిక చేసిన‌ట్టుగా వార్త‌లు వినిపిస్తున్నాయి. కేజీఎఫ్ లాంటి భారీ బ్లాక్ బ‌స్ట‌ర్ త‌రువాత య‌ష్ న‌టిస్తున్న సినిమా కావ‌డంతో ఈ ప్రాజెక్ట్‌పై భారీ అంచ‌నాలు ఏర్ప‌డ్డాయి.