Pawan : పవన్ ఓజీ సినిమాకు కొడుకు అకీరా మ్యూజిక్.. లీక్ చేసిన తమన్

Pawan

Pawan OG : పవర్ స్టార్ పవన్ కళ్యాణ్ నటిస్తున్న మోస్ట్ అవైటెడ్ మూవీస్ లో ‘ఓజీ’ ఒకటి. ఈ చిత్రానికి సుజిత్ దర్శకత్వం వహిస్తున్నారు. ప్రియాంక అరుల్ మోహన్ కథానాయిక. శ్రీయా రెడ్డి కీలక పాత్రలో నటిస్తున్న ఈ చిత్రానికి తమన్ సంగీతం అందిస్తున్నాడు. తాజాగా తమన్ ఓ ఇంటర్వ్యూలో చేసిన వ్యాఖ్యలు సోషల్ మీడియాలో వైరల్‌గా మారాయి. ఓజీ కోసం అకీరాను పిలుస్తానని తెలిపారు.

ఓజీ సినిమాలో రమణ గోగులతో ఓ పాట పాడించాలని చూస్తున్నట్లు తమన్ తెలిపారు. ఓజీ కోసం అకీరా నందన్‌ని పిలుస్తానని తమన్‌ చెప్పారు. గత రెండు నెలలుగా అకీరా తనతో కలిసి పనిచేస్తున్నట్లు వెల్లడించాడు. దీంతో పవన్ అభిమానులు సంతోషం వ్యక్తం చేస్తున్నారు. పవన్ తనయుడు అకీరా పియానో వాయిస్తాడన్న సంగతి తెలిసిందే. తమన్ మాటల ప్రకారం ఈ చిత్రానికి అకీరా ఓజీ సంగీతం అందించబోతున్నాడు. అకీరా ప్రస్తుతం సంగీతం నేర్చుకుంటున్నాడు.

ఇదిలా ఉంటే ఓజీ సినిమాలో అకీరా నటిస్తున్నట్లు వార్తలు వచ్చాయి. మరి అకీరా తన తండ్రి సినిమాలో నటిస్తున్నాడా? లేక సంగీతం అందిస్తున్నాడా? అన్నది తెలియాలి. ఏదిఏమైనా ఓజీ సినిమాలో అకీరా భాగమవుతాడని తెలియడంతో అభిమానులు ఉత్కంఠగా ఉన్నారు.