Brand India : బ్రాండ్ ఇండియాను ప్రపంచానికి పరిచయం చేసింది మోడీనే..: చంద్రబాబు కితాబు..

Brand India : హిందుస్థాన్ టైమ్స్ లీడర్‌షిప్ సమ్మిట్ (HTLS) 22వ ఎడిషన్‌ గనంగా జరిగింది. ఇందులో రాజకీయాలు, క్రీడలు, వ్యాపారం, ఆరోగ్యం, విజ్ఞానం, వినోదంతో సహా వివిధ రంగాలకు చెందిన ప్రముఖులు పాల్గొన్నారు. కార్యక్రమంలో మూడో రోజు ప్రధాని మోడీ, విదేశాంగ మంత్రి జైశంకర్, యూఎస్ మాజీ విదేశాంగ మంత్రి జాన్ కెర్రీ, ఆదిత్య బిర్లా గ్రూప్ చైర్‌పర్సన్ కేఎం బిర్లా, బాలీవుడ్ నటుడు అక్షయ్ కుమార్ వంటి వక్తలు వేదికపైకి వచ్చారు. హిందూస్థాన్ టైమ్స్ 100 సంవత్సరాలను పురస్కరించుకొని స్మారక స్టాంప్‌ను విడుదల చేశారు.

ఈ కార్యక్రమంలో పాల్గొన్న ఆంధ్రప్రదేశ్ సీఎం చంద్రబాబు నాయుడు మాట్లాడుతూ ఆధునిక సాంకేతిక పరిజ్ఞానం వల్ల భారతీయులు ఇప్పుడు రాణిస్తున్నారన్నారు. ప్రపంచంలో ఎక్కడైనా భారతీయుల తలసరి సంపాదన అధికంగా ఉందని, వారిలో 30 శాతం మంది తెలుగు వారు ఈ ప్రయోజనంతో ముందున్నారన్నారు.

ప్రజాస్వామ్యంలో సోషల్ మీడియా చాలా దుర్బలంగా మారిందని చంద్రబాబు నాయుడు అన్నారు. ఇన్ఫర్మేషన్ టెక్నాలజీ గురించి ఎవరూ మాట్లాడరని, అయితే తాను 1995లో దాని గురించి చర్చించడం ప్రారంభించానని ఆయన పేర్కొన్నారు. బ్యాండ్‌విడ్త్ లేనప్పుడు ఇన్ఫర్మేషన్ టెక్నాలజీని ప్రోత్సహించడంపై తాను అప్పట్లో ప్రధానిగా ఉన్న అటల్ బిహారీ వాజ్‌పేయితో పోరాడానని ఆయన పంచుకున్నారు. తన నివేదిక ఆధారంగా టెలికమ్యూనికేషన్ రంగంపై నియంత్రణను ఎత్తివేసినట్లు నాయుడు తెలిపారు.

సంకీర్ణ ప్రభుత్వాన్ని కుటుంబంతో పోలుస్తూ కుటుంబంలో ఎప్పుడూ విభేదాలు ఉంటాయని, ఒకరి అభిప్రాయాలను ఒకరు గౌరవించుకుంటే ఇవి సమసిపోతాయన్నారు. బీజేపీకి స్పష్టమైన మెజారిటీ వస్తుందని తాము ఊహించామని, ఏపీలో వన్‌సైడ్ గా మారిందన్నారు. చంద్రబాబు తన పేరు మీద మోజు పెంచుకున్నప్పుడు ఎన్నికల్లో ఓడిపోతారన్నారు.  ప్రధాని నరేంద్ర మోదీ బలమైన, అత్యంత ప్రగతిశీల నాయకుడని చంద్రబాబు అన్నారు. ప్రధాని మోదీ విప్లవాత్మకమైన అభివృద్ధిని తీసుకొచ్చారని, భారత్‌ మాత్రమే 7.58 శాతం వృద్ధిని సాధించిందని, ఇది ఆయన నాయకత్వ బలానికి నిదర్శనం అన్నారు.

ప్రధాని నరేంద్ర మోడీ నాయకత్వంలో భారతదేశం ప్రపంచ స్థాయిలో గుర్తింపు తెచ్చుకుందని, బ్రాండ్ ఇండియాను ప్రపంచానికి పరిచయం చేసింది మోడీనే అన్నారు. దేశం బ్రాండ్ బలంగా ఉందని, దేశం అద్భుతాలు చేయగల సామర్థ్యాన్ని కలిగి ఉందని ఆయన పేర్కొన్నారు.