Raghurama : డిప్యూటీ స్పీకర్ గా బాధ్యతలు చేపట్టిన రఘురామ

Raghurama

Raghurama : ఏపీ శాసనసభ డిప్యూటీ స్పీకర్ గా టీడీపీ ఎమ్మెల్యే రఘురామకృష్ణరాజు ఎన్నికైన విషయం తెలిసిందే. కాగా, రఘురామకృష్ణరాజు కొద్దిసేపటి క్రితం డిప్యూటీ స్పీకర్ గా బాధ్యతలు చేపట్టారు. అసెంబ్లీ స్పీకర్ అయ్యన్నపాత్రుడు, సీఎం చంద్రబాబు నాయుడు, డిప్యూటీ సీఎం పవన్ కల్యాణ్ లు రఘురామను స్పీకర్ స్థానంలో కూర్చొబెట్టారు. ఈ సందర్భంగా రఘురామను చంద్రబాబు, పవన్ తో పాటు పలువురు టీడీపీ, జనసేన, బీజేపీ ఎమ్మెల్యేలు ప్రత్యేకంగా అభినందించారు.

ఈ సందర్భంగా సీఎం చంద్రబాబు మాట్లాడుతూ ‘ఆర్ఆర్ఆర్’ సినిమాలో నాటు నాటు పాట ఎంత పాపులర్ అయ్యిందో.. రఘురామకృష్ణరాజు రచ్చబండ ప్రోగ్రాం రాజకీయాల్లో అంతే పాపులర్ అయ్యిందని అన్నారు. తెలుగుబిడ్డగా పంచెకట్టులో వచ్చిన రఘురామ, స్పీకర్ స్థానానికి నిండుదనం తీసుకొచ్చారని చంద్రబాబ కొనియాడారు. కొత్త బాధ్యతలో రఘురామను చూస్తుంటే సంతోషం కలుగుతోందన్నారు.