Prashant Neel: ప్రశాంత్ సినిమాటిక్ యూనివర్స్ లో ఆ సినిమాలను భాగం చేయబోతున్నాడా?
ఇప్పటి వరకు ప్రశాంత్ నీల్ తీసిన సలార్ 800 కోట్లతో తన కెరీర్ లో హయ్యెస్ట్ గ్రాసర్ గా నిలిచింది. అంతకు ముందు చేసిన కేజీఎఫ్ సిరీస్ కూడా 600 కోట్లకు పైగానే కొల్లగొట్టాయి. కేజీఎఫ్ సిరీస్ తో స్టైలిష్ యాక్షన్ డైరెక్టర్ గా పేరు తెచ్చుకున్నాడు ప్రశాంత్ నీల్. ఇక ప్రశాంత్ తన సినిమాల్లో హీరోల ఎలివేషన్ సీన్స్ తో గూస్ బంప్స్ తెప్పిస్తున్నాడు. అసలు ఈ రేంజ్ హీరో ఎలివేషన్స్ ప్రశాంత్ తప్ప మరెవరూ తీయలేరనే పేరు తెచ్చుకున్నాడు.
ఇప్పటికే సలార్ -2 షూటింగ్ ప్రారంభమైంది. ఇటీవల ఎన్టీఆర్ తో డ్రాగన్(వర్కింగ్ టైటిల్) ను పూజా కార్యక్రమాలతో ప్రారంభించిన విషయం తెలిసిందే. మరో వైపు కేజీఎఫ్ -3కూడా స్టార్టవుతుందని హింట్ ఇచ్చాడు ప్రశాంత్ నీల్. అయితే సలార్-2 కంటే ముందుగానే ఎన్టీఆర్ చేస్తున్న సినిమాతో మరో భారీ హిట్టుకొట్టాలని చూస్తున్నాడు. ఈ సినిమా హిట్టు పడితే తదుపరి సినిమాలపైనా భారీ అంచనాలుంటాయని, అలాగే మార్కెట్ కూడా బాగా అవుతుందని భావిస్తున్నాడు. ఎందుకంటే ప్రశాంత్ మరో భారీ స్కెచ్ వేయబోతున్నాడు. అటు కేజీఎఫ్ సిరీస్ కు, ఇటు సలార్ సిరీస్ కు కనెక్ట్ చేయాలని భావిస్తున్నాడట. ప్రశాంత్ నీల్ సినిమా టిక్ యూనివర్స్ కింద భారీ సినిమాలను ప్లాన్ చేస్తున్నాడని టాక్ వినిపిస్తున్నది. మరి ప్లాన్ ఎంత వరకు వర్కౌట్ అవుతుందో చూడాల్సిందే.