Kubhera : కుభేరలో నాగ్.. ఎలా కనిపించారంటే..అసలు స్టోరీ ఎలా ఉండబోతోంది..?

Kubhera in Nag : సీనియర్ డైరెక్టర్ శేఖర్ కమ్ముల తన తర్వాతి ప్రాజెక్టు ‘కుభేర’ను ప్రకటించిన విషయం తెలిసిందే కదా.. దీనికి సంబంధించిన టీజర్ ను కార్తీక పౌర్ణమి సందర్భంగా ఈ నెల 15న తేదీ రిలీజ్ చేసేందుకు సన్నాహాలు చేస్తన్నాడు. ధనుష్, నాగార్జున, రష్మిక మందన్న ప్రధాన పాత్రల్లో కనిపిస్తున్నారు. ఈ చిత్రానికి సంబంధించిన పోస్టర్లు ఈ మూడు పాత్రల విభిన్న ప్రపంచాలను సూచిస్తున్నాయి.

కొత్త పోస్టర్ లో నాగార్జున క్లాసీగా కనిపిస్తున్నా నిరాశాజనకమైన ఎక్స్ ప్రెషన్ ఇచ్చారు. సోఫాలో ధీనంగా కూర్చొని ఆలోచనలో మునిగిపోతుంటే, బ్యాక్ గ్రౌండ్ లో సిటీలోని లైట్లు ప్రకాశంతంగా వెలుగుతున్నాయి. నాగార్జున అధునాతన దుస్తులు అతను ధనవంతుడు అని చూపిస్తున్నాయి. కానీ అతని మానసిక స్థితి అతను సంతోషంగా లేడని, ఏదో పోగొట్టుకున్నట్లు బాధలో ఉన్నాడని చూపిస్తుంది. విజయం సాధించినా భావోద్వేగాలతో పోరాడుతున్నట్లు సూచిస్తుంది.

శ్రీ వేంకటేశ్వర సినిమాస్ ఎల్ఎల్పీ, అమిగోస్ క్రియేషన్స్ సంయుక్తంగా నిర్మిస్తున్న ఈ చిత్రం సస్పెన్స్ ఎలిమెంట్స్ తో కూడిన గ్రిప్పింగ్ యాక్షన్ థ్రిల్లర్ గా రూపొందుతోంది. పాటలు మినహా సినిమా షూటింగ్ పార్ట్ మొత్తం పూర్తయింది. పోస్ట్ ప్రొడక్షన్ పనులు కూడా జరుగుతున్నాయి. టీజర్ విడుదలకు ముందే ఉత్కంఠత నెలకొనడంతో ప్రతీ కొత్త పోస్టర్ ఈ సినిమాపై మరింత బజ్ ను క్రియేట్ చేస్తుంది.

ఇక నాగార్జున బిగ్ బాస్ సీజన్ 8 కంప్లీట్ అయ్యేందుకు సమయం దగ్గరపడుతుంది. ఈ సీజన్ అయిపోయిన వెంటనే నాగ్ ఈ ప్రాజెక్టులో మరింత చురుకుగా పాల్గొంటారని మేకర్స్ నుంచి టాక్ వినిపిస్తోంది. ఇప్పటి వరకు ఆయనకున్న షెడ్యూల్ ప్రకారం.. షూటింగ్ నిర్వహిస్తామని. ఆ తర్వాత మరిన్ని డేట్స్ కావాలని కోరతామని మేకర్స్ తెలిపారు.