Manchu Manoj : భైరవంలో ‘గజపతి’గా .. మంచు మనోజ్ ఫస్ట్ లుక్ ఫోటో వైరల్!

Manchu Manoj

Manchu Manoj:’ఉగ్రం’ ఫేమ్ విజయ్ కనకమేడల దర్శకత్వంలో రూపొందిన మల్టీస్టారర్ చిత్రం ‘భైరవం’. ఇందులో టాలీవుడ్ హీరోలు మంచు మనోజ్, నారా రోహిత్, బెల్లకొండ సాయిశ్రీనివాస్ నటిస్తున్నారు. జయంతిలాల్ గదా, కె.కె సమర్పణలో శ్రీ సత్యసాయి ఆర్ట్స్ బ్యానర్ పై ముగ్గురు హీరోలతో వస్తున్న ఈ సినిమాపై ఇప్పటికే భారీ అంచనాలు ఉన్నాయి. రాధామోహన్ ఈ చిత్రాన్ని నిర్మిస్తున్నారు. ఇప్పటికే ఈ సినిమా నుంచి బెల్లంకొండ శ్రీనివాస్, నారా రోహిత్ ల ఫస్ట్ లుక్ పోస్టర్లు విడుదలయ్యాయి. మంచు మనోజ్ పోస్టర్‌ను కూడా చిత్రయూనిట్ విడుదల చేసింది. ఈ పోస్టర్‌లో మనోజ్ గజపతి పాత్రలో నటిస్తున్న సంగతి తెలిసిందే.

ఈ పోస్టర్‌లో మనోజ్ వర్షంలో తడుస్తూ పవర్‌ఫుల్ లుక్‌తో ఆకట్టుకున్నాడు. వర్షంలో కార్లు,  తడుస్తూ గొడుగులు పట్టుకుని ఉన్న ప్రజల మధ్య ఆవేశంతో ఈ లుక్ ప్రస్తుతం సోషల్ మీడియాలో వైరల్ అవుతోంది. ఈ సినిమాలో ప్రియమణి కీలక పాత్రలో నటిస్తుండగా, నారా రోహిత్ వరద పాత్రలో కనిపించనున్నాడు. శ్రీచరణ్ పాకాల సంగీతం అందించిన ఈ సినిమా విడుదల తేదీని త్వరలో విడుదల చేయనున్నారు మేకర్స్.