Sai Pallavi : ఈ తరం మోస్ట్ వాంటెడ్, టాలెంటెడ్ యాక్ట్రెస్ గా సాయి పల్లవి..

Sai Pallavi : అమరన్ బ్లాక్ బస్టర్ తర్వాత సాయి పల్లవి తమిళంతో పాటు తెలుగు, బాలీవుడ్ నార్త్ లో సైతం టాక్ ఆఫ్ ది టౌన్ గా మారిపోయింది. ఈ సినిమా చూసిన ప్రతి ఒక్కరూ సాయి పల్లవి నటనను ప్రత్యేకంగా మెచ్చుకుంటున్నారు. ఈ సినిమాలో ఇందు పాత్రను చూసి ప్రేక్షకులు సంబురపడుతున్నారు. సాయి పల్లవికి పీఆర్ టీం కూడా లేదు. సోషల్ మీడియాలో అనవసరమైన హైప్ లేదు, గ్లామర్ రోల్స్ తో ఆ రెగ్యులర్ కమర్షియల్ సినిమాల్లో నటించదు. అయినా ఆమె అందరికీ ఫేవరెట్ గా మారిపోతుంది.

నటనకు ఎక్కువ స్కోప్ ఇచ్చే కంటెంట్ ఓరియెంటెడ్ సినిమాలను ఎంచుకుంటూ తన నటనా జీవితాన్ని జాగ్రత్తగా తీర్చిదిద్దుకుంది. ఆమె స్క్రిప్ట్ జడ్జిమెంట్ చాలా వరకు బాగుంది. ఆమె ప్రేక్షకుల అభిమానాన్ని చూరగొంది, ఒక సినిమాలో ఆమె ఉనికి కూడా ఐఎస్ఐ మార్క్, చెత్తగా ఉన్నా కూడా సినిమా డీసెంట్ గా మారుతుంది. ఆమె ఈ తరంలో అత్యంత సహజమైన అందం, అభినయం ఉన్న నటి.

అమరన్ అన్ని సెంటర్లలో బాక్సాఫీస్ వద్ద అద్భుతాలు చేస్తోంది. తమిళనాట శివ కార్తికేయన్ ముఖచిత్రమే అయినా తెలుగు వంటి ఇతర మార్కెట్లలో మాత్రం అందరూ దీన్ని సాయి పల్లవి సినిమాగానే చూస్తున్నారు. తెలుగు మార్కెట్ లో ఈ సినిమా భారీ విజయం సాధించడానికి ఆమే ప్రధాన కారణం. ‘అమరన్’ విడుదలకు ముందు కొందరు సాయి పల్లవి పాత వీడియోను షేర్ చేసి ఆమెను కించపరిచే ప్రయత్నం చేశారు. అయితే ప్రేక్షకులు ఆ నెగెటివిటీని పట్టించుకోకుండా సాయిపల్లవి కోసం అమరన్ చూసేందుకు థియేటర్లకు వచ్చారు. ఈ చిత్రంలో ఆమె నటనకు స్టాండింగ్ ఒవేషన్ కూడా లభించింది.

తన భర్త యుద్ధానికి వెళ్లినప్పుడు ఆమె పాత్ర సమాజంలో తనదైన పోరాటాలు చేయడంతో చాలా మంది ఆమెనే ఈ సినిమాలో హీరో అనుకున్నారు. సాయి పల్లవి తదుపరి చిత్రం తాండేల్ కోసం ప్రేక్షకులు ఆసక్తిగా ఎదురుచూస్తున్నారు.