Gold : ప్రైవేట్ ట్రావెల్స్ బస్సులో రూ.15 లక్షల విలువైన బంగారం చోరీ

Gold : ఓ ప్రైవేటు ట్రావెల్ బస్సులో బంగారం చోరీకి గురైంది. ఏపీలోని మండపేట నుంచి హైదరాబాద్ కు వస్తున్న ఓ మహిళ బ్యాగులో నుంచి రూ.15 లక్షల విలువైన బంగారాన్ని దొంగలు చోరీ చేశారు. సూర్యాపేట జిల్లాలోని నార్కట్ పల్లి వద్ద బాధితురాలు ఈ విషయాన్ని గుర్తించి వెంటనే బస్సు డ్రైవర్ కు సమాచారం అందించారు. దీంతో డ్రైవర్ హైదరాబాద్ శివారులోని అబ్దుల్లాపూర్ మేట్ పోలీసు స్టేషన్ కు బస్సును తీసుకు వెళ్లారు. చోరీ గురించి తోటి ప్యాసింజర్ ను విచారించారు. అనంతరం అదే బస్సులో బారిని హైదరాబాద్ కు పంపారు. బాధితురాలితో కలిసి పోలీసులు బస్సు ఆపిన ప్రాంతాలకు వెళ్లి దర్యాప్తు చేశారు.