Star director : టాలీవుడ్ స్టార్ డైరెక్టర్లకు సవాల్ విసరుతున్న కోలీవుడ్ స్టార్ డైరెక్టర్.. టార్గెట్ పాన్ ఇండియా

Star director : బాహుబలి సినిమా తర్వాత రాజమౌళి దారిలోనే చాలా మంది దర్శకులు పాన్ ఇండియా వైపు అడుగుల వేస్తున్నారు. ఇటు తెలుగుతో పాటు నార్త్ ఆడియన్స్ ను ఆకట్టుకునేలా తమ సినిమాలను తెరకెక్కిస్తున్నారు. ఇప్పడిప్పుడే బాలీవుడ్ మార్కెట్ లో నిలబడే ప్రయత్నాలు చేస్తున్నారు.

ఇప్పటికే టాలీవుడ్ టాలెండెట్ డైరెక్టర్ మారుతి రాజాసాబ్ సినిమాను రెబల్ స్టార్ ప్రభాస్ తో పాన్ ఇండియా స్థాయిలో తెరకెక్కుతున్న విషయం తెలిసిందే. ఈ టాలీవుడ్ డైరెక్టర్ తొలిసారి పాన్ ఇండియా స్థాయిలో సినిమా తీస్తున్నాడు. ఇక పూరీ జగన్నాథ్ సినిమాలు తమిళంతో పాటు హిందీలోనూ రీమేక్ చేయగా అక్కడా సూపర్ హిట్లుగా నిలిచాయి. ఇక పూరీ నేరుగా అమితాబ్ తో బుడ్డా హోగా తేరా బాప్ సినిమాతో బాలీవుడ్ కు పరిచయమయ్యాడు. ఆ తర్వాత నేరుగా హిందీలో సినిమాలు చేయలేదు.  అయితే లైగర్, డబుల్ ఇస్మార్ట్ శంకర్ సినిమాలు పాన్ ఇండియా స్థాయిలో తెరకెక్కించిన అంతగా ఆడలేదు. ఇక సంచలన చిత్రం పుష్ప-2తో బాలీవుడ్ ను షేక్ చేస్తున్నాడు సుకుమార్. ఇప్పటికే ఎన్నో రికార్డులను ఈ సినిమా బద్దలు కొడుతున్నది. సంపత్ నంది కూడా తమన్నాతో ఓదెల-2 తీస్తున్నాడు.

ఇదే క్రమంలో ఓ కోలీవుడ్ దర్శకుడు కూడా సౌత్ లో సత్తా చాటుతున్నాడు. ఖైదీ, విక్రమ్ సినిమాలతో ప్రత్యేక గుర్తింపు తెచ్చుకున్నాడు. విక్రమ్ దేశ వ్యాప్తంగా సంచలన విజయం సాధించింది. ఇప్పటికే రజినీకాంత్ తో కూలీ సినిమాను తెరకెక్కిస్తున్నాడు. దీని తర్వాత ఖైదీ-2, విక్రమ్ సీక్వెల్ తెరకెక్కించనున్నాడు. అదే సమయంలో రోలెక్స్ క్యారెక్టర్ తో సూర్యతోనూ  ఓ సినిమా చేయబోతున్నట్లు టాక్ వినిపిస్తున్నది. ఇక తన సినిమాలోని క్యారెక్టర్లన్నింటినీ కలిపి ఎల్ సీయూ(లోకేష్ సినీ యూనివర్స్) లో మిళితం చేయబోతున్నాడని, దీనిని పాన్ ఇండియా రేంజ్ లో తీయబోతున్నాడని ఎప్పటి నుంచో టాక్ వినిపిస్తున్నది. మరి ఈ సినిమాతో ఇంకెన్ని సంచలనాలు సృష్టిస్తాడో చూడాల్సిందే.