CM Chandrababu : నెల రోజుల్లో పోలీసు వ్యవస్థను గాడిలో పెడదాం: సీఎం చంద్రబాబు

CM Chandrababu : నెల రోజుల్లో పోలీసు వ్యవస్థను గాడిలో పెడదామని సీఎం చంద్రబాబు అన్నారు. మంత్రివర్గ సమావేశం ముగిశాక రాజకీయ అంశాలపై సీఎం చర్చించారు. కొందరు అధికారుల తీరు వల్ల ప్రభుత్వానికి చెడ్డపేరు వస్తోందని మంత్రులు సీఎం దృష్టికి తీసుకెళ్లారు. పలు జిల్లాల ఎస్పీలు మంత్రుల ఫోన్లకు సరిగా స్పందించట్లేదని వారు వ్యాఖ్యానించారు. కింద స్థాయిలో డీఎస్పీ, సీఐఐలపై నెపం పెట్టి తప్పుకుంటున్నారని ఆరోపించారు. ఇంట్లో మహిళల్ని కించపరిచేలా పెడుతున్న పోస్టులకు తట్టుకోలేక తాను తీవ్రంగా స్పందించాల్సి వచ్చిందని పవన్ కల్యాణ్ అన్నారు.

ఈ సందర్భంగా సీఎం చంద్రబాబు మాట్లాడుతూ గత ప్రభుత్వం నుంచే కొందరు పోలీసులు ఇలా తయారయ్యారని ఆగ్రహం వ్యక్తం చేశారు. సమస్యలపై ఎప్పటికప్పుడు మాట్లాడుకుంటూ నెల రోజుల్లో వ్యవస్థను గాడికి తెద్దామని సీఎం స్పష్టం చేశారు. సోషల్ మీడియాలో అసత్య పోస్టులను ఇకపై ఉపేక్షించేది లేదని హెచ్చరించారు.