Prabhas : ప్రభాస్ కల్కి మూవీ చూడడానికి కారణమిదే..  స్టార్ హీరోయిన్ వ్యాఖ్యలు

Prabhas : కల్కి 2898 మూవీతో ప్రభాస్ మరో సారి తన సత్తా నిరూపించుకున్నాడు. ప్రభాస్ ప్రస్తుతం పాన్ ఇండియా స్టార్ గా మారిపోయారు. ఆయన చేసిన చేస్తున్న ఏ సినిమా కూడా నార్మల్ గా విడుదల కావడం లేదు. చిన్న సినిమాలు చేయడం ప్రభాస్ మరిచిపోయారు. కల్కి మూవీ ఏకంగా 1000 కోట్లకు పైగా కలెక్ట్ చేసి తెలుగు సినీ ఇండస్ట్రీని మరో రేంజ్ కు తీసుకుపోయారు.

అయితే తాను కల్కి సినిమా చూడడానికి కారణం ప్రభాసే అని శ్రేయ శరన్ పేర్కొంది. తాను ప్రభాస్ అభిమానిని అని అందుకే ఆ సినిమా చూశానని చెప్పింది. ఇలా ప్రతి ఒక్కరూ ప్రభాస్ కు ఫ్యాన్స్ అయిపోతున్నారు. రెబల్ స్టార్ ప్రస్తుతం అర డజన్ సినిమాలు చేస్తున్నారు. మారుతి డైరెక్షన్ లో  రాజాసాబ్ సినిమా చేస్తుండగా.. సలార్ 2 కూడా తెరకెక్కుతోంది. దీంతో సందీప్ రెడ్డి వంగ దర్శకత్వంలో స్పిరిట్ మూవీ చేస్తున్నట్లు సమాచారం. ఈ సినిమా మాత్రం వేరే లెవల్ ఉంటుందని ప్రేక్షకులు అనుకుంటున్నారు.

దీంతో పాటు హను రాఘవపూడి దర్శకత్వంలో మరో సినిమా తెరకెక్కిస్తున్నారు. కల్కి రెండో పార్టు కూడా రెడీ చేస్తున్నారు. ఇలా ప్రభాస్ తీరిక లేని షెడ్యూల్ తో బిజీగా గడుపుతున్నారు. ప్రభాస్ అంటే ఒక బ్రాండ్ అంబాసిడర్ గా మారిపోయారు.

కానీ కల్కి సినిమాలో కేవలం హీరో క్యారెక్టర్ ను మాత్రమే ప్రభాస్ చేశాడని మొత్తం క్రెడిట్ అంతా డైరెక్టర్ నాగ్ అశ్విన్ దే అని కొంతమంది సోషల్ మీడియాలో ట్రోల్ చేస్తున్నారు. నాగ్ అశ్విన్ లేకుండా కల్కి లేదు అలాంటిది డైరెక్టర్ ను కాదని హీరోను పొగడటం ఏంటని మండిపడుతున్నారు. నాగ్ అశ్విన్ మామా క్రియేటివిటీ లేకుంటే కల్కి సినిమా అస్సలు ఆడేది కాదని అంత గొప్ప డైరెక్టర్ కు కనీసం మర్యాద ఇవ్వాలని తెలియదా అని శ్రేయ శరణ్ పై మండిపడుతున్నారు.