Tragedy in Tirupati : తిరుపతిలో విషాదం.. క్రాస్ వీల్ నుంచి పడి యువతి మృతి

Tragedy in Tirupati : సరదా కోసం ఎక్కిన క్రాస్ వీల్ ఒకరిని బలి తీసుకున్న ఘటన ఏపీలోని తిరుపతి జిల్లా తిరుచానూర్ లో జరిగింది. తిరుపతికి చెందిన లోకేశ్వరి, గౌతమి స్నేహితులు. ఆదివారం సెలవు కావడంతో సరదాగా గడిపేందుకు శిల్పారామానికి వెళ్లారు. అక్కడ ఉన్న క్రాస్ వీల్ ఎక్కారు. అది తిరుగుతుండగా వీరు కూర్చొన్న సీటు ఒక్కసారిగా దాదాపు 20 అడుగుల ఎత్తు నుంచి ఊడి కిందపడింది. దీంతో లోకేశ్వరి తీవ్ర గాయాలతో అక్కడికక్కడే మృతి చెందింది. గౌతమి తీవ్ర గాయాలతో స్థానిక ప్రైవేట్ ఆస్పత్రిలో చికిత్స పొందుతోంది. కుర్చీలో ఒకరే కూర్చోవాల్సి ఉండగా, ఇద్దరు కూర్చొన్నారు. పైగా అది తుప్పు పట్టి ఉండడం వల్ల ఈ ప్రమాదం జరిగినట్లు తెలుస్తోంది. క్రాస్ వీల్ కుర్చీలన్నీ దాదాపు తుప్పు పట్టినట్లు పోలీసులు గుర్తించారు. ఈ పమాదానికి బాధ్యుడిని చేస్తూ నిర్వాహకుడిపై కేసు నమోదు చేశారు.