Dunki official trailer:కామెడీ, ఎమోష‌న‌ల్ కంటెంట్‌తో ఆక‌ట్టుకుంటున్న `డంకీ` ట్రైలర్
Dunki official trailer:మ‌రుగుజ్జు పాత్ర‌లో షారుక్ ఖాన్ న‌టించిన మూవీ `జీరో`. ఆనంద్. ఎల్ రాయ్ ద‌ర్శ‌క‌త్వంలో 2018, డిసెంబ‌ర్ 21న విడుద‌లైన ఈ సినిమా షారుక్‌ను ఒక్క‌సారిగా జీరోకు తీసుకెళ్లింది. భారీ డిజాస్ట‌ర్‌గా నిలిచి షాక్ ఇచ్చింది. దీంతో ఆలోచ‌న‌లో ప‌డిన షారుక్ త‌ప్పెక్క‌డ జ‌రిగింది? త‌న నుంచి ప్రేక్ష‌కులు, అభిమానులు ఏ త‌ర‌హా సినిమాని ఆశిస్తున్నారు? అనే ఆలోచ‌న‌లో ప‌డ్డారు. దాదాపు నాలుగేళ్ల విరామం త‌రువాత `ప‌ఠాన్‌`తో మ‌ళ్లీ ప్రేక్ష‌కుల ముందు కొచ్చారు.
య‌ష్ రాజ్ ఫిలింస్ స్పై యూనివ‌ర్స్‌లో భాగంగా సిద్ధార్థ్ ఆనంద్ రూపొందించిన ఈ సినిమా 2023 ఏడాది ప్రారంభంలో జ‌న‌వ‌రి 25న ప్ర‌పంచ వ్యాప్తంగా భారీ స్థాయిలో విడుద‌లై సంచ‌ల‌న విజ‌యాన్ని అందించింది. బాక్సాఫీస్ వ‌ద్ద ఈ సినిమా రూ.1000 కోట్ల‌కు మించి వ‌సూళ్ల‌ని రాబ‌ట్టి షారుక్ స‌త్తా ఏ మాత్రం త‌గ్గ‌లేద‌ని మ‌రో నిరూపించింది. ఇక ఈ సినిమా అందించిన జోష్‌తో ఇదే ఏడాది షారుక్ మ‌రో సినిమాతో ప్రేక్ష‌కుల ముందుకొచ్చారు.
అదే `జ‌వాన్‌`. తొలిసారి ద‌క్షిణాది ద‌ర్శ‌కుడు అట్లీ కుమార్ బాలీవుడ్‌లో తెర‌కెక్కించిన ఈ సినిమా సెప్టెంబ‌ర్ 17న వ‌రల్డ్ వైడ్‌గా ఐదు భాష‌ల్లో విడుద‌లై వ‌సూళ్ల ప‌రంగా రికార్డులు సృష్టించింది. `ప‌ఠాన్‌` త‌రువాత విడుద‌లైన ఈ సినిమా బాక్సాఫీస్ వ‌ద్ద రూ.11,048 కోట్లు రాబ‌ట్టి షారుక్ సినిమాల్లో స‌రికొత్త సంచ‌ల‌నంగా నిలిచిది. వ‌రుస విజ‌యాల ప‌రంప‌ర‌లో భాగంగా ఇదే జోష్‌తో ఇదే ఏడాది షారుక్ ముచ్చ‌ట‌గా మూడ‌వ సినిమాతో ప్రేక్ష‌కుల ముందుకు రాబోతున్నారు.
షారుక్ ఖాన్ తొలిసారి రాజ్ కుమార్ హిరాణీ ద‌ర్శ‌క‌త్వంలో న‌టించిన కామెడీ ఎమోష‌న‌ల్ డ్రామా `డంకీ`. టీజ‌ర్‌తో అంచ‌నాల్ని పెంచేసిన ఈ సినిమా ట్రైలర్ ఎప్పుడెప్పుడా అని ఎదురు చూస్తున్న ప్రేక్ష‌కుల‌కు మేక‌ర్స్ మంగ‌ళ‌వారం స‌ర్ ప్రైజ్ ఇచ్చారు. ఈ సినిమా ట్రైల‌ర్‌ని మంగ‌ళ‌వారం విడుద‌ల చేశారు. 2నిమిషాల 56 సెక‌న్‌ల నిడివితో సాగిన ఈ మూవీ ట్రైలర్ ఆద్యంత వినోదాన్ని పంచ‌డ‌మే కాకుండా సున్నిత‌మైన భావోద్వేగాల స‌మాహారంగా సాగింది.
ఐదుగురు స్నేహితులు లండ‌న్ వెళ్లాలని చేసే ప్ర‌య‌త్నాలు వినోదాన్ని పంచుతాయి. చాలా రోజుల త‌రువాత షారుక్ మ‌రో సారి పూర్తి స్థాయి కామెడీతో ఆక‌ట్టుకోబోతున్నాడు. షారుక్‌తో పాటు తాప్సీ, విక్కీ కౌష‌ల్‌, బొమ‌న్ ఇరాని కీల‌క పాత్ర‌ల్లో న‌టించిన ఈ సినిమా డిసెంబ‌ర్ 21న ప్ర‌పంచ వ్యాప్తంగా విడుద‌ల కానుంది.