Nithin:క్రేజీ హీరోయిన్ శ్రీ‌లీల‌పై నితిన్ ఆస‌క్తిక‌ర వ్యాఖ్య‌లు
Nithin:నితిన్ క‌థానాయ‌కుడిగా న‌టించిన ఎక్స్‌ట్రార్డ‌న‌రీ ఎంట‌ర్ టైన‌ర్ `ఎక్స్‌ట్రా ఆర్డిన‌రీ మ్యాన్‌`. కిక్‌, ఊస‌ర‌వెల్లి వంటి హిట్ చిత్రాల‌కు క‌థలు అందించిన వ‌క్కంతం వంశీ ద‌ర్శ‌కుడు. ఇందులో నితిన్‌కు జోడీగా క్రేజీ హీరోయిన్ శ్రీ‌లీల క‌థానాయిక‌గా న‌టించింది. డా. రాజ‌శేఖ‌ర్ చాలా రోజుల త‌రువాత ఓ ముఖ్య పాత్ర‌లో న‌టిస్తున్నారు. పూర్తి స్థాయి ఎంట‌ర్ టైన్‌మెంట్ నేప‌థ్యంలో ఈ సినిమాను ద‌ర్శ‌కుడు వ‌క్కంతం వంశీ రూపొందించారు.
ఇప్ప‌టికే విడుద‌లైన టీజ‌ర్‌, ట్రైల‌ర్ సినిమాపై అంచ‌నాల్ని పెంచేశాయి. డిసెంబ‌ర్ 8న ప్ర‌పంచ వ్యాప్తంగా భారీ స్థాయిలో ఈ సినిమా రిలీజ్ కానుంది. ఈ సంద‌ర్భంగా హైద‌రాబాద్‌లో టీమ్ ప్రీ రిలీజ్ ఈవెంట్ ని నిర్వహించింది. ఈ సంద‌ర్భంగా హీరో నితిన్ మాట్లాడుతూ క్రేజీ హీరోయిన్ శ్రీ‌లీల‌పై ఆస‌క్తిక‌ర వ్యాఖ్య‌లు చేశారు. “ఎక్స్‌ట్రా ఆర్డిన‌రీ మ్యాన్‌` నాకు చాలా ప్ర‌త్యేక‌మైన సినిమా. నా కెరీర్‌లో ఇంత మంచి పాత్ర ఇప్ప‌టి వ‌ర‌కు నేను చేయ‌లేదు. మా నాన్న డిస్ట్రిబ్యూట‌ర్‌గా ఇండ‌స్ట్రీలోకి అడుగు పెట్టారు.
ఆయ‌న డిస్ట్రిబ్యూట్ చేసిన మొద‌టి సినిమా రాజ‌శేఖ‌ర్ న‌టించిన `మ‌గాడు`. అది సూప‌ర్ హిట్ కావ‌డంతో అప్ప‌టి నుంచి ఇండ‌స్ట్రీలోనే కొన‌సాగుతున్నారు. దాంతో నాకు సినిమాల్లోకి రావాల‌నే ఆస‌క్తి క‌లిగింది. ఈ రోజు నేను ఇలా ఉన్నానంటే దానికి రాజ‌శేఖ‌ర్ ప్ర‌ధాన కార‌ణం. ఆయ‌న `ఎక్స్‌ట్రా ఆర్డిన‌రీ మ్యాన్‌` చేయ‌డ‌మే మాకు పెద్ద బ‌హుమ‌తి. ఇక శ్రీ‌లీల నిజ జీవితంలో ఎక్స్‌ట్రార్డిన‌రీ మ‌హిళ. ఆమెకు భ‌ర‌త‌నాట్యం, కూచిపూడి తెలుసు. రాష్ట్ర స్థాయిలో హాకీ ప్లేయ‌ర్‌.
స్విమ్మింగ్‌లోనూ రికార్డ్ ఉంది. త్వ‌ర‌లోనే మెడిసిన్ పూర్తి చేయ‌నుంది. ఇక సినిమా గురించి ఒక్క మాట‌లో చెప్పాలంటే డిసెంబ‌ర్ 8న అభిమానులు అంద‌రూ కాల‌ర్ ఎగ‌రేస్తారు` అని తెలిపారు. ఇప్ప‌టి వ‌ర‌కు విడుద‌లైన ట్రైల‌ర్, పాట‌ల‌ను ప్రేక్ష‌కులు ఆద‌రించినందుకు ధ‌న్య‌వాదాలు. సినిమాలో నా పాత్ర‌కు హ‌ద్దులు ఉండ‌వు. క‌చ్చితంగా అంద‌రూ ఎంజాయ్ చేస్తారు` అని శ్రీ‌లీల తెలిపింది.