CM Chandrababu : సంక్రాంతి లోపు రోడ్లపై గుంతలను పూడ్చాలి : సీఎం చంద్రబాబు

CM Chandrababu : సంక్రాంతి పండుగలోపు ఏపీ రాష్ట్రంలో ఉన్న అన్ని రోడ్లపై ఉన్న గుంతలను పూడ్చాలని సీఎం చంద్రబాబు ఆదేశించారు. శనివారం మిషన్ పాత్ హౌల్ ఫ్రీ ఏపీ (మిషన్ గుంతల్లేని ఏపీ) పేరుతో ఈరోజు అనకాపల్లి జిల్లా వెన్నెలపాలెంలో రోడ్ల గుంతలు పూడ్చే కార్యక్రమాన్ని సీఎం ప్రారంభించారు. ఈ కార్యక్రమంలో సీఎంతో పాటు రాష్ట్ర రోడ్లు, భవనాలు, పెట్టుబడులు, మౌలిక సదుపాయాల శాఖ మంత్రి బీసీ జనార్ధన్ రెడ్డి, ఇతర అధికారులు పాల్గొన్నారు. ఈ సందర్భంగా సీఎం చంద్రబాబు మాట్లాడుతూ రౌడీ రాజకీయాలు వద్దు.. అభివృద్ధి రాజకీయాలు కావాలని పిలుపునిచ్చారు. రహదారులు బాగుంటే వ్యాపారాలు బాగా జరుగుతాయన్నారు. సంక్రాంతిలోపు రూడ్లపై ఉన్న గుంతలన్నీ పూడ్చాలని అధికారులను ఆదేశించారు. గత సీఎం రహదారులపై ఈత కొలనులు ఏర్పాటు చేశారని విమర్శించారు. రాష్ట్రంలోని రోడ్లు నరకానికి మార్గాలుగా మారాయని, ఈ దుస్థితికి గత పాలకులే కారణమని సీఎం చంద్రబాబు ఆరోపించారు.