Web series : రికార్డులు సృష్టించిన వెబ్ సిరీస్ సీక్వెల్ వచ్చే నెల రాబోతోందా..!

web series : ఓవర్ ది టాప్ (ఓటీటీ) ప్లాట్ ఫామ్ నెట్‌ఫ్లిక్స్ 2021లో విడుదలైన స్క్విడ్ గేమ్ విడుదల తర్వాత రికార్డు స్థాయిలో వ్యూవర్‌ షిప్ సాధించింది. స్క్విడ్ గేమ్ అనతికాలంలోనే జెన్-జెడ్ లో ప్రాచుర్యం పొంది సోషల్ మీడియాను ఆక్రమించింది. ఇది అందరికీ ఎంతగానో నచ్చడంతో మీమ్స్, రోజు వారీ రెఫరెన్సులు వెల్లువెత్తాయి. ఇప్పుడు ఈ షో రెండో సీజన్ డిసెంబర్ 26న నెట్ ఫ్లిక్స్ లోకి రాబోతోంది. ప్లేయర్ నెం. 456 తిరిగి రావడంతో షో ఎక్కడి నుంచి వెళ్లిందో అక్కడి నుంచే కొనసాగుతుంది. ప్రాణాంతక గేమ్ నిర్వాహకులపై 456వ నంబర్ ప్లేయర్ పగ తీర్చుకునే సన్నివేశాన్ని ఈ సర్వైవల్ క్వెస్ట్ థీమ్ సిరీస్ చూపించబోతున్నారు.

ఈ షోకు సంబంధించిన అఫీషియల్ టీజర్ విడుదల కాగా, తమ ఆల్ టైమ్ ఫేవరెట్ షోను చూసేందుకు అభిమానులు ఎంతో ఆసక్తిగా ఎదురుచూస్తున్నారు. ఈ ప్రదర్శన ఆసియా వినోద పరిశ్రమను ప్రపంచ వేదికపై నిలపనుంది. ఎమ్మీ అవార్డ్స్ అయినా, గోల్డెన్ గ్లోబ్ అయినా స్క్విడ్ గేమ్ సీజన్ వన్ అవార్డుల సీజన్ ను శాసించింది. రెట్టింపు ఎంటర్ టైన్ మెంట్ తో ఈసారి మరింత ఉత్కంఠభరితంగా సాగుతుందని అభిమానులు ఆశిస్తున్నారు.

అంతర్జాతీయ వేదికపై ఈ సీజన్ కూడా అదే ప్రభావం చూపుతుందని పలువురు భావిస్తున్నారు. 142 మిలియన్లకు పైగా వ్యూస్ తో నెట్ ఫ్లిక్స్ లో అత్యధికంగా వీక్షించిన సిరీస్ గా ఈ సీజన్ తన రికార్డును బద్దలు కొడుతుందని అభిమానులు ఆశిస్తున్నారు.