shopkeeper : ఎస్సై వేధిస్తున్నాడని పోలీస్ స్టేషన్ లో చిరువ్యాపారి ఆత్మహత్యాయత్నం

shopkeeper : వరంగల్ జిల్లాలో దారుణం చోటు చేసుకుంది. వరంగల్ పోలీస్ కమిషనరేట్ పరిధిలో ఓ వ్యక్తి ఆత్మహత్యాయత్నం చేసుకున్నాడు.  ఎస్సై విఠల్ వేధిస్తున్నాడంటూ మట్టెవాడ పోలీస్ స్టేషన్ లో ఓ చిరు వ్యాపారి ఒంటిపై కిరోసిన్ పోసుకొని నిప్పంటించుకున్నాడు. వెంటనే అప్రమత్తమైన సిబ్బంది బాధితుడిని ఆస్పత్రికి తరలించారు. ఆటో నగర్ లో ఫాస్ట్ ఫుడ్ సెంటర్ నిర్వహిస్తున్న చిరు వ్యాపారి శ్రీధర్ గా బాధితుడిని గుర్తించారు. గత నెల రోజుల నుంచి మట్టెవాడ ఎస్సై విఠల్ బాధితుడిని వేధిస్తున్నాడంటూ పలువురు ఆరోపణలు చేస్తున్నారు. అనేక కేసుల్లో వివాదాలకు కేంద్ర బిందువుగా మారిన ఎస్సై విఠల్ ను సస్పెండ్ చేయాలని పేర్కొంటున్నారు.