Shivaji The New Captain : కొత్త కెప్టెన్ గా శివాజీ.. శోభాపై నాగ్ హాట్ కామెంట్స్.. హైలెట్స్ ఇవే!

Shivaji The New Captain

Shivaji The New Captain : కింగ్ నాగార్జున హోస్ట్ గా చేస్తున్న బిగ్ బాస్ సీజన్ 7 రసవత్తరంగా సాగుతుంది.. ఇప్పటికే 10వ వారంలోకి కూడా అడుగుపెట్టిన బిగ్ బాస్ ఈ రోజుతో ఈ వారం కూడా పూర్తి చేసుకోబోతుంది.. ఈ రోజు వీకెండ్ ఎపిసోడ్ కావడంతో ఆడియెన్స్ అంతా ఈ రోజు ఎపిసోడ్ కోసం ఎదురు చూస్తున్నారు..

మరి నిన్నటి శనివారం ఎపిసోడ్ లో అంత సరదాగా సాగిపోయింది.. వీకెండ్ కావడంతో నాగ్ ఎంట్రీ ఇచ్చి హౌస్ హౌస్ మేట్స్ తో ముచ్చటించారు.. ఈ వారం కుటుంబ సభ్యులు వచ్చి సందడి చేయగా ఆ విషయాలను అడిగి తెలుసుకున్నారు. శివాజీతో మాట్లాడుతూ నీ కొడుకు అచ్చం నీలానే ఉన్నాడు అని.. నువ్వు హౌస్ లోకి వచ్చాక సన్నగా అయ్యావని తెలిపాడు..

అయితే నీ వెయిట్ తగ్గింది కానీ హెడ్ వెయిట్ పెరిగింది అంటూ నాగ్ అనడంతో షాక్ అయ్యాడు.. ఇక నెక్స్ట్ కెప్టెన్ ను ఎంపిక చేసే ప్రక్రియ స్టార్ట్ అయ్యింది.. అర్జున్, శివాజీ కెప్టెన్సీ కంటెండర్స్ పోటీలో నిలిచారు.. ఈ పోటీలో ఎవరు విన్ అవుతారు అని తేల్చేందుకు నాగ్ చిన్న గేమ్ పెట్టారు..

ఇంటి సభ్యులు అందరు యునామినస్ గా శివాజీని కెప్టెన్ గా ఎన్నుకున్నారు.. శివాజీ కెప్టెన్ కావడంతో శోభా శెట్టి కిరీటాన్ని ఆయనకు పెట్టింది.. అర్జున్ కెప్టెన్సీ బ్యాడ్జీని శివాజీకి పెట్టారు.. మధ్యలో కొన్ని సరదా సంఘటనలు కూడా జరిగాయి.. శోభా కాఫీ పెట్టి నాగ్ కు ఇచ్చి కాలుతుంది జాగ్రత్త అనగా నీ కంటే హాట్ కాదులే అంటూ నాగ్ చిలిపిగా సమాధానం చెప్పాడు.

ఇదిలా ఉండగా ఇప్పుడు హౌస్ లో 11 మంది మాత్రమే ఉన్నారు. ఈ వారం నామినేషన్స్ లో రతికా రోజ్, ప్రిన్స్ యావర్, గౌతమ్ కృష్ణ, భోలే, శివాజీ ఉన్నారు. వీరిలో భోలే ఈ వారం బయటకు వచ్చినట్టు టాక్ వినిపిస్తుంది. చూడాలి మరి ఎవరు బయటకు వచ్చారో..