Drone services : మంగళగిరి ఎయిమ్స్ లో డ్రోన్ సేవలు.. పీఎం మోదీ ప్రారంభం

Drone services

Drone services : మంగళగిరి ఎయిమ్స్ డ్రోన్ సేవలను ప్రధాని నరేంద్ర మోదీ మంగళవారం ప్రారంభించారు. ఢిల్లీలోని ఏఐఐఏ నుంచి వర్చువల్ గా నరేంద్ర మోదీ ఈ సేవలను ఆవిష్కరించారు. ఎయిమ్స్ అధికారులు ప్రయోగాత్మకంగా డ్రోన్ పరీక్ష నిర్వహించారు. ఎయిమ్స్ నుంచి నూతక్కి పీహెచ్ సీ వరకు డ్రోన్ ను పంపించారు. ఓ మహిళా రోగి నుంచి రక్త నమూనా సేకరించి ఎయిమ్స్ కు అది తిరిగి వచ్చింది. ఎయిమ్స్ నుంచి ఈ పీహెచ్ సీ దాదాపు 12 కి.మీ. దూరంలో ఉంది. రోగులకు మెరుగైన వైద్య సేవలు అందించేందుకు డ్రోన్ల ఉపయోగంపై ఈ ప్రయోగాన్ని నిర్వహించినట్లు అధికారులు తెలిపారు.