Pushpa 2 : అన్నీ తెలిసిన నేనే నమ్మలేకపోయా.. పుష్ప-2పై అనసూయ షాకింగ్ కామెంట్స్..  

Pushpa 2

Pushpa 2 Anasuya Comments : బాలీవుడ్ కు పుష్ప-2 ఫీవర్ పట్టుకుంది. బాహుబలి తర్వాత మళ్లీ అంతటి క్రేజ్ సొంతం చేసుకున్న అల్లు అర్జున్ నటించిన పుష్ప-2 కావడం విశేషం.  పుష్ప-2 తో బన్నీ బాలీవుడ్ లో సరికొత్త చరిత్ర రాయబోతున్నాడు. ఇప్పటికే ఈ సినిమా ప్రీ రిలీజ్ పై దేశ వ్యాప్తంగా చర్చ జరుగుతున్నది. నార్త్ లో ఈ సినిమా థియేట్రికల్ రైట్స్ కోసం డిస్ట్రిబ్యూటర్లు, ఎగ్జిబ్యూటర్లు పోటీపడుతున్నారు. ఫ్యాన్సీ రేట్లు ఆఫర్ చేస్తున్నారు. మొన్నటి దాకా రూ. 900 కోట్ల  ప్రీ రిలీజ్ అని టాక్ రాగా, ఇప్పుడది మరింత పెరిగినట్లు తెలుస్తున్నది.

అల్లు అర్జున్ ‘పుష్ప: ది రైజ్’ ద్వారా తొలిసారిగా ఉత్తమ నటుడిగా జాతీయ అవార్డు పొందాడు. ఇప్పుడు, ‘పుష్ప 2: ది రూల్’తో బాక్సాఫీస్‌ను శాసించడానికి సిద్ధమవుతున్నాడు. ఈ చిత్రం ఇప్పటికే దేశ వ్యాప్తంగా చర్చనీయాంశంగా మారింది. మొన్నటి వరకు 900 కోట్ల ప్రీ రిలీజ్ బిజినెస్ అయ్యిందని టాక్ రాగా,  ఇప్పుడు  రూ.1085 కోట్లకు చేరినట్లు తెలుస్తున్నది. ఇక సినిమా రిలీజ్ అయ్యాక ఎన్ని రికార్డులు క్రియేట్ చేస్తుందో చూడాల్సిందే.

ఇక ఈ సినిమా గురించి నటి, స్టార్ యాంకర్ అనసూయ పుష్ప-2 షాకింగ్ కామెంట్స్ చేసింది.  పుష్ప పార్ట్ -1లో అనసూయ దాక్షాయణి క్యారెక్టర్ చేసిన విషయం తెలిసిందే. సీక్వెల్ ఆమె పోర్షన్ మరింత ఆసక్తికరంగా ఉంటుందని తెలుస్తున్నది. ఈ సినిమాలో ప్రతి పది నిమిషాలకో ట్విస్టు ఉంటుందని ఓ ఇంటర్వ్యూలో చెప్పుకొచ్చింది.  సీన్ ఏంటి, డైలాగులు అన్నీ ముందే తమకు చెప్పారని, షూటింగ్ అయ్యాక ఆ ట్విస్టులు చూస్తే తాను నమ్మకలేపోయానని ఆశ్చర్యం వ్యక్తం చేసింది. మొదటి పార్ట్ కన్నా  సీక్వెల్ మరింత ఆసక్తికరంగా ఉంటుందని చాలా కాన్ఫిడెంట్ గా చెబుతున్నది అనసూయ.