Nayanatara:సినిమా ప్ర‌మోష‌న్ కోసం స్టూడెంట్స్‌కు బ‌ర్యానీ వ‌డ్డించిన న‌య‌న‌తార
Nayanatara:ప్ర‌ముఖ న‌టి, లేడీ సూప‌ర్ స్టార్ న‌య‌న‌తార కొంత మంది విద్యార్థినుల‌ను స‌ర్ ప్రైజ్ చేశారు. వారితో క‌లిసి స‌ర‌దాగా మాట్లాడ‌ట‌మే కాకుండా వారిక ఇప్ర‌త్యేకంగా బిర్యానీ వడ్డించారు. అలా వారికి జీవితంలో మ‌ర్చిపోలేని స‌ర్ ప్రైజ్ ఇచ్చారు. దీనికి సంబంధించిన వీడియో ప్ర‌స్తుతం సోష‌ల్ మీడియాలో వైర‌ల్ అవుతోంది. ఈ వీడియోని చూసిన నెటిజ‌న్‌లు న‌య‌న‌తార‌పై ప్ర‌శంస‌ల వ‌ర్షం కురిపిస్తున్నారు. న‌య‌న‌తార, జై జంట‌గా న‌టించిన తాజా చిత్రం `అన్న‌పూర‌ణి`.
`ది గాడెస్ ఆఫ్ ఫుడ్‌` అని ఉప‌శీర్షిక. నీల్ కృష్ణ ద‌ర్శ‌క‌త్వం వ‌హించిన ఈ త‌మిళ సినిమా ఈ నెల 1న ప్రేక్ష‌కుల ముందుకొచ్చింది. విభిన్న‌మైన క‌థాంశంతో రూపొందిన ఈ సినిమాకు స‌ర్వ‌త్రా విశేష ఆద‌ర‌ణ ల‌భిస్తున్న నేప‌థ్యంలో న‌య‌న‌తార, జై చెన్నైలోని ఓ లేడీస్ కాలేజీని సంద‌ర్శించారు. లంచ్ టైమ్‌కు వెళ్లి అక్కడి అమ్మాయిల‌తో స‌ర‌దాగా గ‌డిపారు. న‌య‌న‌తార స్టూడెంట్స్‌కు స్వ‌యంగా బిర్యానీ వడ్డించారు. అయితే అభిమాన తార త‌మ కాలేజీకి రావ‌డ‌మే గొప్ప‌గా భావించిన స్టూడెంట్స్ ఆనందానికి అవ‌ధులు లేకుండా పోయాయి.
న‌య‌న‌తార‌తో చేయి క‌లిపి త‌మ ఆనందాన్ని ఆమెతో పంచుకున్నారు. అంతే కాకుండా ఆమెపై త‌మ‌కున్న అభిమానాన్ని ప్ర‌త్యేకంగా చాటుకున్నారు. సినిమా ప్ర‌మోష‌న్స్‌కు దూరంగా ఉండే న‌య‌న‌తార ఉన్న‌ట్టుండి `అన్న‌పూర‌ణి` సినిమా ప్ర‌మోష‌న్స్ కోసం లేడీస్ కాలేజీకి రావ‌డం చెన్నై సినీ వ‌ర్గాల్లో హాట్ టాపిక్‌గా మారింది. `అన్న‌పూర‌ణి` న‌య‌న‌తార న‌టించిన 75వ సినిమా. బ్రాహ్మ‌ణ కుటుంబానికి చెందిన ఓ యువ‌తిగా ఈ సినిమాలో ఆమె న‌టించారు. బెప్ట్ ఛెఫ్‌గా ఎద‌గాల‌నుకున్న ఓ యువ‌తి త‌న క‌ల‌ల‌ని ఎలా నిజం చేసుకుంద‌న్న‌దే ఈ సినిమా.
Briyani is even more special when Poorni serves it 🙂 #Annapoorani serving now in cinemas near you.
Enjoy the feast ❤️ pic.twitter.com/pf66rJCymI
— Zee Studios South (@zeestudiossouth) December 3, 2023