Pushpa : పుష్ప రాజ్ దెబ్బకు ‘చావా’ రెండోసారీ సైడ్ అవుతున్నాడా?

Pushpa

Pushpa VS Chava : ఐకాన్ స్టార్ అల్లు అర్జున్ తో పాటు కోట్లాది మంది ప్రేక్షకులు ఎంతో ఆసక్తిగా ఎదురు చూస్తున్న పుష్ప-2 సినిమా రిలీజ్ డేట్ అధికారికంగా ప్రకటించిన విషయం తెలిసిందే. అయితే ఇప్పటికే రెండు సార్లు రిలీజ్ డేట్లు మార్చుకున్న పుష్ప-2 సినిమా ఈ సారి కూడా రిలీజ్ డేట్ మారింది. కానీ పోస్ట్ పోన్ కాలేదు. ఒక రోజు ముందుకు జరిగింది. అదే సమయంలో ఓవర్సీస్ లో  మరో రోజు ముందుగానే అంటే దాదాపు రెండు రోజుల ముందుగానే ప్రీమియర్స్ పడే అవకాశాలు కనిపిస్తున్నాయి.  డిసెంబర్6న తగ్గేదేలే.. వచ్చేస్తామంటూ కాలర్ ఎత్తి మరీ చెప్పిన అల్లు అర్జున్ ఈసారి మాట తప్పాడు. కానీ అభిమానులు మాత్రం సంబుర పడిపోతున్నారు. డిసెంబర్ 5న సినిమా విడుదలవుతుండడంతో అభిమానుల సంతోషానికి హద్దే లేకుండా పోయింది

ఇక ఈ సినిమా కోసం దక్షిణాది  ప్రేక్షకులతో పాటు  ఉత్తరాది ప్రేక్షకుల కూడా ఎంతగా ఎదురు చూస్తున్నారో అక్కడ జరిగిన బిజినెస్ బట్టి తెలుసుకోవచ్చు. కేవలం ఒక్క నార్త్ లోనే ఈ సినిమా థియేట్రికల్ రైట్స్ కు సంబంధించి దాదాపు 300 కోట్లకు పైగా ప్రీ బిజినెస్ చేసింది. ఇక ఇప్పటికే రిలీజైన పాటలు, టీజర్లు, గ్లింప్స్ మొదటి భాగం కన్నా మరింత హైప్ తెస్తున్నాయి.

ఇప్పుడు పోస్ట్ పోన్ బాలీవుడ్ సినిమాల వంతు..

ఇదిలా ఉంటే  పుష్ప-2 రిలీజ్ డేట్ కన్ ఫామ్ కావడంతో కొన్ని బాలీవుడ్ సినిమాలు డిసెంబర్ బరి నుంచి తప్పుకోబోతున్నాయి. ముందుగా ఆగస్టు 15 పుష్ప-2 వస్తుందని అనౌన్స్ చేయగా అక్షయ్ కుమార్, అజయ్ దేవ్ గన్ తో పాటు విక్కీ కౌశల్ నటించిన పీరియాడికల్ మూవీ చావా కూడా తమ రిలీజ్ డేట్లను వాయిదా వేసుకున్నాయి. కానీ అనూహ్యంగా పుష్ప-2 పోస్ట్ పోన్ అయ్యింది. ఇక అజయ్ దేవగన్, అక్షయ్ కుమార్ సినిమాలు దీపావళికి షిప్ట్ అయ్యాయి. కానీ పుష్ప-2 రిలీజ్ డేట్ పై మొన్నటి వరకు సందిగ్థత నెలకొన్న నేపథ్యంలో బాలీవుడ్ మూవీ చావా డిసెంబర్ లో రిలీజ్ ప్రకటించుకుంది. కానీ పుష్ప-2 పై క్లారిటీ రావడంతో చావా సినిమా మరోసారి  రిలీజ్ డేట్ వాయిదా వేసుకుంటున్నట్లు సమాచారం. ఇదే జరిగితే పుష్ప-2 ఎపెక్ట్ చావా సినిమా పై పడినట్లే.