Chandrababu : చంద్రబాబు క్యాంప్ ఆఫీస్ కోసం అన్ని కోట్లు ఖర్చయ్యిందా? వైరల్ అవుతోన్న పోస్ట్

Chandrababu

Chandrababu Camp Office : గత ఐదేళ్ల టీడీపీ పాలనలో చంద్రబాబు క్యాంపు కార్యాలయాలను సమకూర్చడానికి అయిన ఖర్చుకు సంబంధించిన వివాలు సోషల్ మీడియాలో వైరల్ అవుతున్నాయి. వాటి వార్షిక నిర్వహణకు రూ.21,59,22,414 ఖర్చు చేసినట్లు వర్గాలు తెలిపాయి. నీటిపారుదల శాఖ విజయవాడ సర్కిల్‌ కార్యాలయాన్ని సీఎం క్యాంపు కార్యాలయంగా మార్చేందుకు రూ.14.65 కోట్లు వెచ్చించారు. ఆయన 2019లో సీఎంగా ఉన్నప్పుడు విజయవాడ క్యాంపు కార్యాలయంలో భద్రత నిమిత్తం మరో రూ.2.99 కోట్లు వెచ్చించారు. ఆ పనులు ప్రారంభించిన కొద్ది నెలల్లోనే ఆయన ఉండవల్లిలోని తన నివాసానికి మారారు.. అదే తన కొత్త క్యాంపు కార్యాలయంగా కూడా పనిచేసింది.

హైదరాబాద్ క్యాంపు కార్యాలయంలో సోలార్ పవర్ ఫెన్సింగ్ కోసమే రూ.67.5 లక్షలు వెచ్చించారు. 2016లో విజయవాడలోని సీఎం క్యాంప్‌ ఆఫీస్‌కు సందర్శకుల కుర్చీలకే రాష్ట్ర ఖజానాకు రూ.4.94 లక్షలు ఖర్చయినట్లు సంబంధిత వర్గాలు తెలిపాయి. ఇలా గతంలో చంద్రబాబు ప్రభుత్వం విజయవాడ, ఉండవల్లి, హైదరాబాద్‌లోని క్యాంపు కార్యాలయాలకు రూ.99.91 కోట్లు వెచ్చించినట్లు సమాచారం