Navneet Kaur : నవనీత్ కౌర్ కు రాజ్యసభ సీటు.. బీజేపీ హామీ

Navneet Kaur : మహారాష్ట్ర అసెంబ్లీ ఎన్నికల్లో నవనీత్ రాణా పోటీ చేయరని ఆమె భర్త రవిరాణా తెలిపారు. ఆమెకు రాజ్యసభ సీటు కేటాయిస్తామని బీజేపీ హామీ ఇచ్చిందని చెప్పారు. బడ్నేరా నుంచి స్వతంత్ర ఎమ్మెల్యేగా ఉన్న రవిరాణా మీడియాతో చేసిన ఈ వ్యాఖ్యలు చర్చనీయాంశంగా మారాయి.

2019లో జరిగిన సార్వత్రిక ఎన్నికల్లో మహారాష్ట్రలోని అమరావతి నుంచి స్వతంత్ర అభ్యర్థిగా పోటీ చేసి నవనీత్ విజయం సాధించారు. అప్పుడు ఆ గెలుపు వెనుక ఎన్ సీపీ, కాంగ్రెస్ సహకారం ఉంది. అయితే 2024లో ఆమె బీజేపీలో చేరారు. ఈ లోక్ సభ ఎన్నికల్లో కమలం పార్టీ ఆమెకు టికెట్ కేటాయించింది. కానీ కాంగ్రెస్ నేత బల్వంత్ వాంఖడే చేతిలో ఆమె ఓటమి పాలయ్యారు. త్వరలో మహారాష్ట్ర అసెంబ్లీ ఎన్నికలు జరగనున్న తరుణంలో రవిరాణా నుంచి ఈ స్పందన వచ్చింది.