Heavy rain : హైదరాబాద్ లోని పలు ప్రాంతాల్లో భారీ వర్షం

Heavy rain

Heavy rain : హైదరాబాద్ లోని పలు ప్రాంతాల్లో వర్షం కురుస్తోంది. ఉదయం నుంచి పొడిగా ఉన్న వాతావరణం సాయంత్రానికి ఒక్కసారిగా మారిపోయింది. అప్పటికప్పుడే ఆకాశంలో మేఘాలు కమ్ముకున్నాయి. దీంతో హైదరాబాద్ సిటీతో పాటు పలు ప్రాంతాల్లో వర్షం పడుతోంది.

నారాయణగూడ, హిమాయత్ నగర్, బషీర్ బాగ్, అబిడ్స్, కోఠి పరిసర ప్రాంతాల్లో వర్షం కురుస్తోంది. సరూర్ నగర్, కొత్తపేట, మలక్ పేట పరిసిర ప్రాంతాల్లో చిరుజల్లులు పడుతున్నాయి. అనుకోకుండా పడుతున్న వర్షంతో సద్దుల బతుకమ్మ సంబరాలకు కొంచెం ఆటంకం ఏర్పడింది. మరోవైపు బంజారాహిల్స్, జూబ్లిహిల్స్, మాదాపూర్, పంజాగుట్ట, మాసబ్ ట్యాంక్ పరిసర ప్రాంతాల్లో కూడా వర్షం పడుతోంది.