Indian tourist : అతి తక్కువ కాలంలో ప్రపంచంలోని ఏడు వింతలను సందర్శించిన భారత టూరిస్ట్

Indian tourist : ప్రపంచంలోని కొత్త ఏడు వింతలను అతి తక్కువ సమయంలో ప్రయాణించి సరికొత్త ప్రపంచ రికార్డును నెలకొల్పినందుకు భారత యాత్రికుడు సుజోయ్ కుమార్ మిత్రాను గిన్నిస్ వరల్డ్ రికార్డ్స్ అధికారికంగా గుర్తించింది. మిత్రా ఈ అసాధారణ ప్రయాణాన్ని 5 రోజుల 17 గంటల 28 నిమిషాల్లో పూర్తి చేశాడు. ఈ రికార్డ్-బ్రేకింగ్ సాహసయాత్ర 2 సెప్టెంబర్ 2024న జోర్డాన్‌లోని పెట్రాలో ప్రారంభమైంది. 8 సెప్టెంబర్ 2024న ముగిసింది. ఈ అన్వేషణ ప్రపంచంలో ఒక ముఖ్యమైన మైలురాయి.   సుజోయ్ కుమార్ మిత్ర గతంలో చాలా ప్రయాణ విజయాలకు ప్రసిద్ధి చెందిన పర్యాటకుడు.  మిత్రా మొత్తం 198 దేశాలను (193 ఐక్యరాజ్యసమితి భూభాగాలతో పాటు వాటికన్ సిటీ, తైవాన్, కొసావో, పాలస్తీనా , అంటార్కిటికా) సందర్శించాడు. ఈ తాజా విజయంతో మిత్రా మరో  రికార్డు అతడి ఖాతాలో చేరింది. అతను గతంలో రెండు ప్రముఖ గిన్నిస్ వరల్డ్ రికార్డ్స్ నెలకొల్పాడు.

మిత్రా ఏడు ఖండాల్లో అత్యంత వేగవంతమైన ప్రయాణం చేసి ప్రపంచ రికార్డు సృష్టించారు. ఒకే రోజులో అత్యంత వేగంగా 25 మిచెలిన్ స్టార్ రెస్టారెంట్‌లను సందర్శించిన రికార్డు నెలకొల్పాడు.   గిన్నిస్ వరల్డ్ రికార్డ్స్ మార్గదర్శకాలకు అనుగుణంగా, మిత్రా షెడ్యూల్డ్ పబ్లిక్ ట్రాన్స్‌పోర్ట్‌ను మాత్రమే ఉపయోగించాడు. రవాణా కేంద్రాలు లేదా నివాసాల మధ్య 50 కి.మీ దూరం వరకు లైసెన్స్ పొందిన టాక్సీలు అనుమతించబడ్డాయి. ఈ ప్రయత్నానికి ప్రయాణ రుజువు, టైమ్-స్టాంప్ చేయబడిన ఫోటోగ్రాఫ్‌లు, వీడియో రికార్డింగ్‌లు, ప్రతి అద్భుతం వద్ద సాక్షుల సంతకాలతో సహా జాగ్రత్తగా ప్రణాళిక, డాక్యుమెంటేషన్ చేయించుకున్నాడు.  ప్రపంచంలోని ఏడు వింతలలో ఒకటైన తాజ్ మహల్ భారతదేశంలోని ఏకైక స్మారక చిహ్నం. మొఘల్ చక్రవర్తి షాజహాన్ తన భార్య ముంతాజ్ జ్ఞాపకార్థం దీనిని నిర్మించాడు. ఇది ఉత్తరప్రదేశ్‌లోని ఆగ్రాలో యమునా నది ఒడ్డున నిర్మించబడింది. 2007 సంవత్సరంలో ఇది ప్రపంచంలోని కొత్త ఏడు అద్భుతాలలో చేర్చబడింది.