Mohini : మోహినీ అవతారంలో శ్రీనివాసుడు.. పరవశించిన భక్తులు

Mohini Avatar

Mohini Avatar : తిరుమల శ్రీవారి సాలకోట్ల బ్రహ్మోత్సవాలు వైభవంగా కొనసాగుతున్నాయి. ఉత్సవాల్లో భాగంగా మంగళవారం ఉదయం మోహినీ అవతారంలో శ్రీనివాసుడు దర్శనమిచ్చారు. వాహన సేవను తిలకించేందుకు భారీగా భక్తులు తరలివచ్చారు. శృంగార రసాధి దేవతగా, సర్వాలంకార భూషితుడై శ్రీనివాసుడు భక్తులకు అభయమిచ్చారు. ఆ పక్కనే దంతపు వాహనంపై వెన్నముద్ద కృష్ణుడిగా భక్తులకు దర్శనమిచ్చారు. మోహినీ అవతారంలో ఉన్న శ్రీనివాసుడిని దర్శించుకునేందుకు భక్తులు భారీగా తరలివచ్చారు. ఆ ముగ్ధమనోహర రూపాన్ని చూసి భక్తులు మంత్ర ముగ్ధులయ్యారు. తిరుమల గిరులన్నీ శ్రీనివాస నామస్మరణతో మారుమ్రోగుతున్నాయి.